Video
Read full review
2018-05-19
291 views
喺九龍灣唔怕無嘢食，除咗2個大商場，仲有好多屋苑商場可以揀，大街小巷周圍都係餐廳。德寶係其中一個都幾多嘢食嘅小商場，最正係人流唔算好多，搵嘢食都比較容易。地鐵站去商場嘅路程都有段小距離，裡面有個大FOOD COURT，叫得寶美食檔。裝潢風格係七八十年代香港舊式公共屋邨風格，超懷舊，，所以行行下周不時都見到有人企定定影相打卡。FOOD COURT選擇都幾多，第一眼就望到有一間係賣BURGER ，覺得好有趣。舊式公共屋邨裡面竟然有得食budger / hot dog / french fries，實在太正所以決定幫襯佢。鋪頭主要都係賣burger，價錢介乎$30~60，都算親民。我叫咗個經典牛肉芝士漢堡+ ＄15可以有小食同汽水。食物賣相還好，burger高度都有返咁上下入面除咗有塊厚切牛肉之外，仲有芝士，洋蔥，蕃茄同埋大量菜。在我立場，想一啖過咬哂全部配料其實無乜可能，但我又唔想分開食，所以好努力撳一撳個包就一大啖咬落去。牛肉好JUICY，個包一拎上手個重量就知塊牛都幾足料，估唔到咁樣都俾我搵到間不錯的漢堡店。另外，配菜好新鮮，咁岩我又好鐘意食蕃茄，岩岩好平衡返個牛肉嘅油膩感。食完成手都
喺九龍灣唔怕無嘢食，除咗2個大商場，仲有好多屋苑商場可以揀，大街小巷周圍都係餐廳。德寶係其中一個都幾多嘢食嘅小商場，最正係人流唔算好多，搵嘢食都比較容易。
地鐵站去商場嘅路程都有段小距離，裡面有個大FOOD COURT，叫得寶美食檔。裝潢風格係七八十年代香港舊式公共屋邨風格，超懷舊，，所以行行下周不時都見到有人企定定影相打卡。FOOD COURT選擇都幾多，第一眼就望到有一間係賣BURGER ，覺得好有趣。舊式公共屋邨裡面竟然有得食budger / hot dog / french fries，實在太正所以決定幫襯佢。
鋪頭主要都係賣burger，價錢介乎$30~60，都算親民。我叫咗個經典牛肉芝士漢堡+ ＄15可以有小食同汽水。
食物賣相還好，burger高度都有返咁上下入面除咗有塊厚切牛肉之外，仲有芝士，洋蔥，蕃茄同埋大量菜。在我立場，想一啖過咬哂全部配料其實無乜可能，但我又唔想分開食，所以好努力撳一撳個包就一大啖咬落去。牛肉好JUICY，個包一拎上手個重量就知塊牛都幾足料，估唔到咁樣都俾我搵到間不錯的漢堡店。另外，配菜好新鮮，咁岩我又好鐘意食蕃茄，岩岩好平衡返個牛肉嘅油膩感。食完成手都係汁同醬，再食埋個加錢要嘅薯角，罐汽水只能夠飲到一半，已經塞唔落，好飽！
Post
