丹麥餅店

Open Now

Now Closed

丹麥餅店位於銅鑼灣禮頓道其中一角，難得懷舊小店開業多年都屹立不倒，肯定有佢受歡迎嘅原因！店內除咗三文治餐包等等傳統餅店食物之外，最受歡迎嘅就係即叫即整嘅熱狗同埋炸物！熱狗用上普通餐包，腸仔亦都係香港人由細食到大嘅普通腸仔，但加上茄汁同埋自家製沙律醬，唔知點解味道又真係好夾！不過買咗最緊要快啲食，一凍咗就會變得有啲油膩好多人去到都係食熱狗或者炸髀，其實魚柳包一樣好高質。麵包一樣係普通餐包，但中間嘅魚柳就大大塊，即叫即炸所以好酥脆，亦都冇酸味或者腥味。而家懷舊小店越來越少，真係好值得支持佢哋繼續營業落去🫶🏻