金鳳大餐廳 (山林道)

Open Now

Now Closed

餐廳歷史悠久，提供各款式既牛仔公仔鐵板餐。牛肉種類花多眼亂，另外有海鮮配搭。平日晚市7點，已經坐滿食客。尖沙咀尼間分店環境寬闊，侍應殷勤有禮。鐵板送上時，侍應會拎2壺醬，分別係黑椒、蒜蓉汁，幫你倒落肉扒上面。扒餐會跟牛油餐包、餐湯、餐飲，扒餐可以揀鐵板/碟上。餐湯一白一紅，紅湯雜菜多，煮到軟，入口辣辣，係羅宋湯特有既辣味。貴族牛扒($208)，有2大件美國牛肩肉，而且份量十足，非常厚。而且廚師幫忙切左幾下，方便跟住個紋理切黎食。叫左5成熟，切開真係保留到牛肉既嫩紅色，充滿濃郁既肉味。薯格炸過再淋上醬汁，變得軟身，尼種口感，係鐵板獨有既煮法先整到。帶子牛柳餐($168)，同牛肩肉最大既分別係，牛柳超級超級‘軟林’，好驚喜，超jeng，咬幾下就慢慢化開。牛肩肉則帶有少少韌。牛柳2大塊一樣有厚度，7成熟口感合宜。帶子結實嫩口，另外有大蝦可以揀。餐飲加錢轉特飲，雙檸雪碧有鮮檸、鹹檸，兩者口味交錯，飲落又幾順口。而可樂加入朱古力雪糕，就會令可樂d氣冇哂，變左飲落先有朱古力味，後有可樂甜味，d氣就冇左既口感，另一番風味。整體，鋸扒勝在鐵板夠熱，做到‘炸炸’聲既效果，而且牛肉質素靚，口感一流，品質保