十下火鍋

餐廳走懷舊香港路線, 周圍都係80年代嘅舊屋邨裝潢, 感覺有少少似回到以前, 枱與枱之間有距離好闊落, 幾舒適。𓊈十下麻辣火鍋 $𝟷𝟺𝟾𓊉麻辣火鍋唔算好辣, 充滿麻香味, 湯底裡面有好多辣椒, 豆腐同鴨血。𓊈大刀手切本地牛頸脊 $𝟸𝟶𝟾𓊉手切牛頸脊真係好適合打邊爐, 每一片厚薄都剛好, 肉質好軟腍, 蘸點埋自製麻香辣油一齊食, 口感更順滑。𓊈日本黑豚五花腩片 $𝟷𝟶𝟾𓊉五花腩片一片片卷好, 肥瘦均勻, 好好食!𓊈三星蔥醬爆貢丸 $𝟻𝟾𓊉店員好細心咁提醒要小心淥熟之後裡面會爆醬, 貢丸好大粒, 外面充滿菇香, 裡面嘅醬好香濃, 口感好豐富。𓊈鹹蛋黃墨魚滑 $𝟽𝟾𓊉墨魚滑加咗鹹蛋黃, 味道充滿鹹香, 墨魚滑好彈牙, 唔會覺得粉, 好好食!𓊈脆炸魚皮 $𝟺𝟾𓊉魚皮炸得好香脆, 蘸點少少湯, 半脆半淋好好味!𓊈油麥菜 $𝟺𝟾𓊉油麥菜好爽脆, 不過淥完之後真係會好辣。𓊈青島啤酒 $𝟸𝟻𓊉打邊爐配啤酒, 青島啤酒味道唔會太濃, 好易入口。𓊈烏龍茶 $𝟷𝟾𓊉烏龍茶非常解渴解膩。𓇊 整體食物都好好食, 環境舒適, 好適合一大班朋友一齊打邊爐。