點心到 MIX·大排檔

Open Now

Now Closed

紅雨原因仔唔洗返學，我地就去歎下茶！今次揀咗係金雞廣場地下 嘅點心到mix大排檔 ，大概1:50 到就開始排隊，心諗無下午茶優惠都咁多人排隊嘅？等咗10分鐘就可以入坐，都可以接受👍🏻我地好多點心都想食，因為佢又有創新點心，又有懷舊點心，最後我地揀咗炭燒山楂鴨絲包：外脆內軟，食哂3個都唔會有好膩嘅感覺鮮蝦腐皮卷：外皮很脆，入面好多蝦，非常足料欖仁馬拉糕：甜咗少少，如果可以再鬆軟啲就更蜜汁叉燒包：仔的最愛，包包鬆軟，味道適中蝦餃（2粒）：我同仔仔一人一粒，皮薄蝦夠大粒😋燒賣（2粒）：有隻蝦係面，真材實料鵪鶉蛋燒賣：唔多酒樓有呢款點心，3粒大大粒，真係好正🤭全部點心到枱都熱辣辣，真係即叫即蒸👍🏻 仲有只收$5/茶位，非常實惠！