銀津點心茶餐廳

Open Now

Now Closed

與女兒約了兩位家姐出旺角，試呢間有點心食的茶餐廳，看到餐單有我最喜歡的上湯炸粉果(後生果陣，成日在翠園食的，當然要懷舊一下囉！/炸得唔夠透，入面食到疑似剛熟的粉)，芋角(ok,好食的)，竹炭流沙包(外表好靚，但冇乜嘢漏出嚟)，黑芝麻流心西多士(唔騙人，芝麻真係爆曬漿，可惜，芝麻唔夠香，得個甜字)，翠綠鮮蝦餃(ok),燒賣(普通)，煎蛋牛肉飯(呢個我就好鐘意，似舊式酒樓，如百年，萬年做的淋pat pat牛肉餅，兒時味道番曬嚟!)，兩個家姐叫了一個章魚肉餅飯(她說好食)，鳳爪排骨飯(她沒說好唔好，只說排骨好肥)。 飲品叫了凍檸茶少甜及凍啡少甜(正常，不突出)，兩位家姐都叫了茶走少甜(上檯時，有經我手，一杯熱到辣手，一杯只是暖和而已，很奇怪!!) 埋單二百幾，食物《拉平均》計只能說合格。