喜喜冰室 (Closed)

一入喜喜，一陣懷舊味撲過來—油煙味+空調不足!撇除這些因素，喜喜算係懷舊餐室中比較有心思的一間—今期餐牌上竟然有渡輪餐: 煎蛋紅腸福麵+莎莉蛋糕+維他奶！咁啱今期am 730咳神佬個漫畫又有講渡輪上的福麵，唔知巧合定邊個啓發邊個呢... 有冇人叫呢個$38嘅渡輪餐就唔知，有得餐前笑吓都唔錯。叫嘢食就一於主打懷舊，叫咗個雞批浮台同香蕉班戟，雞批同豆蓉湯味道原來都幾夾，班戟落煉奶同落糖漿基本上係異曲同工。雞肶拼西炒飯就麻麻地，雞肶似乎炸得過咗火，太乾身，炒飯一般啦冇乜特色。呢啲餐廳，都係食feel多過食物質素架啦。