Video
Read full review
2022-02-10
247 views
原來西貢有好多Cafe我都未試過，今次就去咗其中一間Cafe，淨係睇個門口都已經係成個博物館咁，佢出邊有兩張枱，四周圍都鋪滿晒好多懷舊嘅嘢，雖然面積唔大，但係佢將每一處都唔放過，放滿晒好多好多童年嘅回憶，將唔同年代嘅香港懷舊嘢放晒入去，阿姐我有好多都未見過😏😏，但總會有啲你係見過嘅，座位雖然比較逼，但我幾鍾意包圍住你嗰種感覺，去食嘢嘅成個過程裏邊，你可以不停咁去觀賞唔同嘅舊玩具舊擺設，甚至書😍😍，同你啲friend有傾有講，絕對唔會有悶場😆😆老闆真係好有心思將唔同年代嘅嘢融為一體👍🏻👍🏻我地嚟食個下午茶，叫左一份雞翼，窩夫同埋一份田螺，佢個雪糕三重奏窩夫真係好吸睛，若果係飯後甜品一定食唔晒，佢個三重奏既三隻雪糕有雲尼拿啦，抹茶同埋芝麻味，個窩夫落口既時候仲係熱嫁，外面脆，裡面軟，不錯不錯，之後到個蜜糖雞翼，佢係焗既雞翼嚟，不過色澤有啲淡，食起上嚟冇咩味，蜜糖味更加冇🤔最後到個田螺，佢個底係薯蓉，面頭有田螺，焗得唔錯，幾入味，又香，我睇到啲人話好容易吉到出嚟，我食既時候都係，但無論係真田螺定一包包果啲都好，佢的確整出嚟係好味😎😎最後叫咗兩杯咖啡，一杯Bailey’s coffee 一杯係
我地嚟食個下午茶，叫左一份雞翼，窩夫同埋一份田螺，佢個雪糕三重奏窩夫真係好吸睛，若果係飯後甜品一定食唔晒，佢個三重奏既三隻雪糕有雲尼拿啦，抹茶同埋芝麻味，個窩夫落口既時候仲係熱嫁，外面脆，裡面軟，不錯不錯，之後到個蜜糖雞翼，佢係焗既雞翼嚟，不過色澤有啲淡，食起上嚟冇咩味，蜜糖味更加冇🤔最後到個田螺，佢個底係薯蓉，面頭有田螺，焗得唔錯，幾入味，又香，我睇到啲人話好容易吉到出嚟，我食既時候都係，但無論係真田螺定一包包果啲都好，佢的確整出嚟係好味😎😎
最後叫咗兩杯咖啡，一杯Bailey’s coffee 一杯係雲呢拿coffee，首先個Bailey 咖啡佢的確幾重味，差不多蓋過晒咖啡味，但幾特別，雲呢拿coffee另外分左個杯仔，佢係雲尼拿奶嚟，隨你喜歡倒幾多，個味ok既，女仔會幾中意飲，但咖啡味淡左啲😌😌
至於見到有幾個留言話啲扒又貴又唔好食，又話個老細冇禮貌，我想講幾句，首先，扒好唔好食我就不予置評，因為我未試過，同埋話明呢間係Cafe，你做咩走去食扒姐，就算真係食扒你唔係預期佢好食到飛天啊🙄
同埋你哋話個老細冇禮貌態度好差呢一點我真係唔覺，佢幾Nice，見到有個客周圍行行企企望啲懷舊玩具好似好唔好意思咁，佢自己走過去同佢講，唔緊要㗎冇所謂，鍾意睇嘅行過去睇啦，大家都知條巷係好窄，但佢都冇黑面或者不禮貌喎🤷🏻♀️
Post
