小時光 (Closed)

今日同同事諗住食番個 hea lunch, 就行左去想試好耐，又喺附近工廠大廈入面既小時光。之前見食評啲相影到裝修好靚，今日親身見到真係幾有特色，啲檯櫈好似啲用左好耐既學校木檯木櫈，如果想懷舊一下都 okay geh食物而言就麻麻地啦，叫左個紅燒牛肉麵，但係牛肉都幾肥吓架，唔係好入得囗，麵就幾彈牙同埋唔知係咪新年，所以跟左兩粒咭不過見到其他人叫左鹽酥雞飯個雞都炸得好正好大份，同埋三杯雞都好似幾正，下次再去會試吓！