戀 (太子集團中心) (Closed)

恋既環境相 當光猛又開揚，而且還帶著地道日本居酒屋風格，menu唔算貴，款色都夠多。當然要食刺身啦就叫左份特盛刺身拼盤，大大盤擺盤幾靚！有5-6款時令刺身，帶子粒粒夠厚身，食起身幾鮮甜夠綿密！蝦既質感帶膠質而且好新鮮，溶雪做得幾好。三文魚幾肥美，片片都幾厚切！吞拿魚色澤紅潤，味道夠鮮。牛肉薯餅，粉漿唔會過厚！炸到酥脆又唔會太油膩，內層夾雜住綿密既薯溶再有牛肉香，加埋沙律醬好開胃。安格斯牛肉串，油份夠多，火喉控制好好！啖啖肉香，爆香好滿足。蘆筍豚肉卷，汁燒味道好香又唔乾身，加上蘆筍夠多汁，好夾又好食。