成仔記麵食

Open Now

Now Closed

Item: Shing Sai Kee Noodle
Rating: 3
Author: 奧志雷

Shing Sai Kee Noodle

3.5

80 Reviews

Taste

Decor

Service

Hygiene

Value

816

Tai Po

Below $50

Hong Kong Style Noodles/Rice Noodles

奧志雷

Level4

2.1K

Read full review

炸魚皮，第 1 次試味先齋啪啦，唔浸湯直接咬，非常香脆喎，而且咸度適中，難得幾好呢。掉落湯既時候穩約聽到魚皮索湯啪啪聲呢，但就無麥奀記、池記炸魚皮咁誇張會裂裂聲咁勁 ﹗我就鐘意放湯食，半脆半腍，又可以索埋湯既香甜味，更好食 ﹗

淨雲吞，遠近馳名既雲吞，係大埔黎講囉。一向都非常好食，我都十分欣賞。不過今晚馬有失蹄，似乎強差人意，味道無以往咁鮮味香濃又出眾噃。係咪因為差不多收工呢？趕收檔？賣剩蔗？成仔記招牌雲吞每次都必食 ﹗蝦仁大大隻又爽口，豬肉味香又唔會太咸太嗆，完全係鮮味 ﹗

整粒咬落結實，唔會散開。用雲吞盛著大大篤辣椒渣塞入口，滿足 ﹗原隻爽口海蝦加香濃豬肉包係薄薄滑滑雲吞皮裡面，一咬爆漿。熱辣辣一口雲吞整隻啪入口，口感實淨、肉汁豐富，非常美味 ﹗蝦籽湯跟雲吞既味道襯到絕，係一個美味親子雲吞湯啊 ﹗

雲吞麵走蔥，轉眼年幾無黎食野嚕。雲吞還保持水準，蝦爽肉甜皮滑。一口雲吞原隻大蝦爽口，豬肉味濃帶甜有咬口，包得實淨又結實，口感一絕。幼麵就腍左少少，我要食爽彈架麻。雲吞麵走蔥，湯底越來越淡呢，湯底堅係有點淡，偷工減料？要撈勁辣成仔記自家辣椒渣先得，屬大辣程度，夠香夠辣 ﹗即時個湯好飲左啦。

牛丸麵走蔥，已經叫左個淨雲吞同女友 share，咁我試可以叫其他野食啦，貪心又胃食麻，哈哈 ﹗牛丸好咸，味道好重，質地大路無驚喜，唔難食。蝦籽湯底我好鍾意，香甜味美，一飲而盡無得留低。幼麵掛上大量湯汁連勁香辣辣椒渣，質感依舊爽彈又無鹼水味，啜到停唔到口。

鮮牛肉麵，黎幫襯左成仔記都有一段時間，今日輪到試牛肉喇。牛肉片醃過加工過，乸得太過份，所以口感不尋常，滑潺潺、腍劈劈，味道就還可以啦。我喜歡完全無醃無加工既鮮牛肉呀，純天然既牛肉先係皇道用好食，味道香濃多汁又有咬口。幼麵保持水準，爽彈非常，帶湯力強，每一口都充滿香甜湯汁。

牛肉撈粗麵走蔥，因每次都會叫淨雲吞，所以粉麵就會食其他喇。忘記左牛肉乸過醃過，質感怪怪，腍劈劈、滑潺潺，連牛肉味都假假地。我喜歡絕無任何加工或調味既新鮮牛肉，要有趙口、要牛味濃、要有鮮甜味、要有肉汁呀 ﹗依家完全唔合格。粗麵就蠻滿意啦，不太腍而微彈，keep 到蛋香，不過略厭蠔油太過咸啊，撈上大量辣椒渣都難掩咸味。

鯪魚球麵走蔥，蝦籽大地魚湯底，味道濃厚，香噴噴一索醒神，鮮甜味突出，太好飲喇 ﹗鯪魚球質感實淨彈牙，揚溢著鮮鯪魚既味道，口感仲彈到好似炸魚蛋呢，意料之外的好味道 ﹗

成仔記自家辣椒油，辣椒油先係主角，我食麵就係為左辣椒油乍 ﹗我要淨渣不要油再加豉油，好味道 ﹗招牌自家辣椒油，幼細到有點似醬既質地，極香帶辣，達中辣程度，仲有濃厚既甜味添，要大啖大啖咁食先最正呀 ﹗撈麵當然一流啦 ﹗

一大羹辣椒渣剛好夠送一碗麵，勁辣中帶點點甜味，味道沉實內斂。越食越辣，越食越興奮就越食越多，食到冒汗，爽到爆 ﹗不過早前的神係元朗成仔記買既辣椒油比大埔成仔記更香更辣，上次唔覺意食到粒蝦米，辣到即時頭痛，超勁呀 ﹗

鮮蝦雲吞、韮菜餃、魚皮餃，各半打外賣今晚打邊爐。每日新鮮人工製作，招牌雲吞無得輸，韮菜餃跟雲吞不相伯仲同樣係人氣之選，鮮甜無比 ﹗趕住陪女友去娛樂城練一陣英式桌球就去 After 5 比賽，今晚佢 9-balls competition，下星期先到我出賽呢。