美味餃子店 (Moved) New Location

第一次寫食評。晚上放工後，我們滿心期待，去了這間一直都想試的小店，為的是它出名的湯餃子。就是這顆餃子，令我對呢間店好難忘！先講食物質素，跟很多食客一樣，大家覺得好食的餃子和湯，我都覺得很不錯。但，令我驚訝的是，店員待客的態度。我們order了一客十隻的雲耳椰菜湯餃子和其他食物。當食物送來時，我們當然急不及待地趁熱食，我們各食了一粒後，友人隨口問句，"丫！你估有無十隻？" 我話，"有啦，唔信數吓喇" , 我hea住數，發現少了一隻，然後再數，也是只數到九隻。友人講笑地對老闆娘講，"餃子好似少咗一隻喎"！起初我都有點不好意思好像好小家。 點知，另一店員隨後走出來，高聲問我們，"吓！少咗隻？碗嘢食咗未？(食咗兩隻！)吓！(面帶極度的鄙視) 我們已經覺得不是味兒。怎料，最爆的是，隔了幾分鐘，她拎住一隻空碗走過來，高聲地當住其他食客面前說，你。逐。粒。數。俾。我。睇！我們的咀已經o到不能再o，ok fine, 既然你咁認真拎隻空碗出來叫我數，我無理由唔數！當然，事實不能改變，係咁多就係咁多。然後她粒聲唔出走了，理虧了，一聲"唔好意思"都無。我想，這"美味餃子"又未至於美味到要兩個人一同夾計去呃多