來佬餐館 (Closed)

原本係red Mr. 樓上既上海佬走左, 黎左個來佬, 今日就黎試試佢。舖頭好闊落, 點行都唔會撞到隔離檯, 但好嘈好嘈, 想傾野既應該要避開peak hour先好黎~Set Lunch大概有5個選擇, 跟餐湯(今日係羅宋湯, 眼見好多料, 但因為唔食牛肉, 所以無試到); 另外加$18可以飲特飲, 叫左個雪糕咸檸七。Main就叫左個喇沙沾沾 (即係普通既喇沙, 唔好諗多~hahhaha)飲品先到, 首先雪糕唔係一整球@@然後, 咸檸係一"界"我都知有時啲檸好大粒,俾哂成粒我都好徙, 但都唔係一界, 我篤到爛先有味掛....@@繼而係我覺得個vanilla ice cream 偏甜, 同杯咸檸唔夾。食物黎到, 個碗好大, 料都唔少, 蝦都有兩隻而且彈牙, 麵都做返係米粉加油麵, 呢個值得欣賞。但湯底唔得, 整係食到辣味, 椰味無哂, 似咖哩多過似喇沙, 雖然聞係都勉強聞到啲椰味既。眼見佢份量全部都好大, 一位女士要食哂應該相當有難度, 可以考慮4個人share 3個餐咁就無咁徙野食喇~因為有啲唔就腳, 所以我未必會再係午市黎喇, 但係有機會都可以試下晚餐既。