覓食家

Open Now

Now Closed

以前係元朗返工成日會去食呢度嘅雞脾飯難得放假就入嚟元朗回味下，嗌左呢度嘅人氣菜式雞脾飯。呢度嘅脾有3款畀你揀，分別有炸脾、豉油脾、沙姜脾。炸脾依然係一貫成塊臉咁大隻，由於佢係焗好左先再炸，咬落會口係外脆內嫩好多汁，而且唔會有油膩嘅感覺，仲要熱辣辣真係好正。另外我自己鐘意再落啲孜然粉、辣粉，個味再出啲。由於佢個飯真係好巨型，所以我今次揀左沙律薯餅，冇咁heavy。薯餅炸得啱啱好，唔會話過火啡黑左，食完脾同薯餅，食返個沙律清新下，順便解下熱氣，食完好似冇咁邪惡。整體嚟講$46咁豐富都幾出色，不過要留意返，假日或者用餐時段要預啲時間排隊，因為都幾多人幫襯架，今次我就禮拜六2點半等左大約35分鐘。