小時光 (Closed)

望住佢嘅門口，有種就快要坐‘時光機’嘅感覺。一推門........我中學時期嘅回憶返嚟喇。尤其我呢啲喺課室入面食晏嘅，感覺良多。搵好位，決定食乜之後，就去課室最入個位置(水吧前)落單。落單是要說國語的。唔識講？冇問題，指住menu ‘呢個，呢個‘都得㗎。🍜蕃茄牛肉麵台灣麵當然要揀牛肉麵。牛肉唔韌，唔‘鞋口’。湯底唔錯，蕃茄味唔會蓋過哂啲牛味。佢嘅麵同平時一般嘅唔同，麵質比較‘林’，似烏冬。🙂炸花枝丸夠爽口，夠哂熱，即炸，小心燙口呀🙂香酥雞塊好大碟，件件都好大塊！見到嗰下係唸‘伴汽水或啤酒就一流’。由於份量多，食唔哂嘅，打包返屋企慢慢嘆🥤梅子綠茶造型特別，但唔係得個樣。酸酸哋，解渴又好味！去開觀塘嘅，唔一定要幫襯大商場同連鎖店。