阿德廚坊 (Closed)

平日唔煮飯我便最鍾意去幫襯阿德廚房，今日 想留喺屋企睇電視，叫咗老公落去買外賣，揀咗魚香茄子飯同鲜茄牛肉飯。外賣的餸大大碗，白飯一大盒，價錢相當合宜，兩個飯一家三口都夠食。魚香茄子是我至愛， 差不多每一次都會食， 這個菜確實有鹹魚味， 茄子唔會煮得太熟，一條條咬落去，非常有口感，加埋美味嘅肉碎，用嚟撈飯最好。番茄牛肉都好多料， 蕃茄好新鮮，大大舊，牛肉夠淋，醃得夠入味，小朋友最鍾意呢个餸，个汁都係撈飯之選。