家上海 (形點 I)

Open Now

Now Closed

日日行過都見到有人排隊，難得今日見到唔洗排，入去試吓先。坐位闊落，可能過咗繁忙時段，因為我2點先去，唔多人，所以佢俾咗張4人枱我。叫咗壼龍井，不過不失。好食，味道啱啱好，滿滿嘅膠原蛋白。呢個第一次見，有啲似生煎包同小籠包嘅混合版，又幾特別，皮唔厚，入面啲湯好滿，粒粒漲卜卜，咬落去個底又有啲脆，好食！手掌咁大隻，佢會俾支飲筒你，飲咗啲湯先，入面啲湯唔係好油嗰啲，係真係湯，仲要好鮮甜，有驚喜。呢個完全唔得，好油又冇味，食咗2啖已經唔想食。啱啱炸起，好熱好脆，但個皮太厚。整體來講都算扺食，唔貴，下次可以試吓其他嘢。