The Point (Closed)

The point係其中一間我諗唔到食乜就會去嘅餐廳，因為佢嘅意粉、Pizza、小食都係叫做幾出色，而且價錢算係中位價，性價比都叫做係唔錯嘅。不過我覺得佢呢度嘅唔好處，就係座位與座位之間，隔得太近。如果係啱啱相識嘅男女，或者係想傾心事嘅朋友，千祈唔好諗住揀呢度，因為同隔離枱係隔得好近，即係話，你講嘅嘢，隔離都會聽到，其實都幾尷尬。講完佢嘅唔好處，都表揚佢一樣野啦，就係揸車嘅朋友，嚟呢度泊車都算方便。