元祖沾麵專門店

Open Now

Now Closed

上星期五放假，獨自去偷歡，即係食好西🤭專登去咗尖沙咀厚福街呢間拉麵店【元祖沾麵專門店】平時好多人排隊，所以我早啲6:00就去到食早場，加上一條友唔洗排，直接有位✌🏻🔸極上芝士海膽沾麵(原板海膽) $158呢個價錢絕對係超值，因為成板海膽都係百幾蚊，抵！海膽都算新鮮，唔會發霉/出水，而且味道有甘香甜甜地，食到飽😄沾麵個湯上嚟時係滾，好香嘅芝士味，湯入面仲有豬肉去滾，所以仲有豬肉湯底嘅香🍜拉麵剛剛好，唔會太淋/太硬，而且份量多，食極都仲有，浸落去湯滾返熱啲麵，再沾埋芝士嘅濃味，好味😋佢碗麵仲有4塊叉燒&半隻流心蛋，個叉燒用咗燒汁去煮，所以係甜甜地，好濃嘅燒汁味，食完相當飽！