Video
Read full review
2018-06-23
104 views
同朋友出去旺角食野最怕去人多擠迫既地方。今個夏天又鬼死甘熱，我地4條友岩岩收工係旺角行左陣就身水身汗，淨係想快D坐低食野，HEA下吹下水。去食韓國野…排隊…去食日本野…排隊…去食放題…又排隊…救命啊！我地就決定人棄我取，你地班友食外國野，我地就食中菜，就比我地搵到依間「私家廚房」。沿住彌敦道大馬路行，好快就搵到譽發大廈，一睇就睇到「私家廚房」D廣告。唔知係因為未有人發掘依個荀盤，果然比我地估中無咩人排隊，所以好快我地就上到8樓歎冷氣食番幾味小菜仔。我地一出LIFE門，都唔知餐廳哥仔係咪有千里耳，好快就出來招待我地，仲安排我地坐卡位。成間餐廳都以白色同木系餐枱為主，仲有幾個小包廂仔，卡位就會有窗簾，環境真係幾好。一坐落去哥仔就拿拿聲比茶﹝飲落去有點普洱 + 另一種茶？ 好特別﹞我地飲，仲拿左本好厚既餐牌來比我地研究研究。我地一望真係睇到眼都花，鋪仔細細多菜式多多，仲要唔係平時食開既中菜名。哥仔可能見到我地睇到眼朦朦，就介紹左我地幾味，好似 避風塘炒蟹、豉汁蒸蟠龍鱔、好搞嘢啫啫通菜煲。雖然哥仔介紹完，甘我地做人都要有主見既，甘我地4條友仔就叫左：懷舊溏心皮蛋﹝$58﹞薑蔥鮑魚雞煲﹝$198
今個夏天又鬼死甘熱，我地4條友岩岩收工係旺角行左陣就身水身汗，淨係想快D坐低食野，HEA下吹下水。
去食韓國野…排隊…去食日本野…排隊…去食放題…又排隊…救命啊！
我地就決定人棄我取，你地班友食外國野，我地就食中菜，就比我地搵到依間「私家廚房」。
沿住彌敦道大馬路行，好快就搵到譽發大廈，一睇就睇到「私家廚房」D廣告。
唔知係因為未有人發掘依個荀盤，果然比我地估中無咩人排隊，所以好快我地就上到8樓歎冷氣食番幾味小菜仔。
我地一出LIFE門，都唔知餐廳哥仔係咪有千里耳，好快就出來招待我地，仲安排我地坐卡位。
成間餐廳都以白色同木系餐枱為主，仲有幾個小包廂仔，卡位就會有窗簾，環境真係幾好。
一坐落去哥仔就拿拿聲比茶﹝飲落去有點普洱 + 另一種茶？ 好特別﹞我地飲，
仲拿左本好厚既餐牌來比我地研究研究。
我地一望真係睇到眼都花，鋪仔細細多菜式多多，仲要唔係平時食開既中菜名。
哥仔可能見到我地睇到眼朦朦，就介紹左我地幾味，好似 避風塘炒蟹、豉汁蒸蟠龍鱔、好搞嘢啫啫通菜煲。
雖然哥仔介紹完，甘我地做人都要有主見既，甘我地4條友仔就叫左：
懷舊溏心皮蛋﹝$58﹞
薑蔥鮑魚雞煲﹝$198﹞
避風塘炒蟹﹝$388﹞
脆皮德國咸豬手﹝$288﹞
好搞嘢啫啫通菜煲﹝$118﹞
薏米水﹝$68﹞
同埋 4大碗絲苗白飯﹝$15@1﹞
冰陣菠蘿 ﹝$0﹞
依餐真係好誇張4條友仔，仲要係女人，可以碟碟餸食到見晒底…令我地最癲既菜一定係
薑蔥鮑魚雞煲﹝$198﹞
通常去親食中菜食咩咩煲，都最鬼怕呢好鬼多油，又鬼死甘咸同重味精。
仲要加埋雞，真係好怕D雞一係炆到鞋十十又咸，一係就個雞嫩得來無味。
我地第一啖梗係食左隻鮑魚先啦，食完我地都拍爛手掌，個鮑魚仲好鮮甜，仲要有4隻。
之後再食埋雞，佢依個衰鬼又煮得幾好食，個雞又夠嫩，又索到味，仲要個醬個味道岩岩好﹝加埋少少蔥食，一流！﹞。
讚完我最愛之後，我既小三就係依道
好搞嘢啫啫通菜煲﹝$118﹞
好搞嘢啫啫通菜煲
$118
7 views
0 likes
0 comments
叫果時我一心想挑佢機，睇下佢又幾搞嘢，改埋甘既名。
原來依道餸係蝦醬通菜，再加埋韓國既年糕落去，所以就好搞嘢。
老實講，睇落去真係好九唔搭八，蝦醬撈年糕，但食落去又真係好OK。
因為廚師大哥揀蝦醬揀得幾好，個蝦醬唔會死咸，仲好香蝦味，撈落去本身無味既年糕反而仲帶出蝦醬既鮮味！
我朋友仔既第2名，就係 避風塘炒蟹﹝$388﹞
避風塘炒蟹
$388
10 views
0 likes
0 comments
廚師大哥勁貼心幫我地依班廢人，拍好晒D殼，等我地方便去剥。
點解我覺得依味唔可以成為我既小三？
最主要係，避風塘炒蟹應該要夠惹味同夠辣度，但兩樣對我來講都差少少。
但有一點值得讚就係，個蟹炸完同再避風塘式炒完都唔油，唔會有臭油味。
廚師大哥手勢真係好好！
另外，一樣都令我覺得幾得意既，就係中菜館入面有 脆皮德國咸豬手﹝$288﹞食？
脆皮德國咸豬手
$288
4 views
0 likes
0 comments
我自己食過幾次係德國餐廳食德國豬手都幾唔HAPPY。
因為德國人通常食豬手都會配啤酒飲，即係下酒菜，所以通常都會做得偏咸…而果隻咸度…唔是香港人食到既咸。
我經過果幾次，我都怕左食德國豬手，但我朋友仔揀到…就戴住頭盔一試啦…
隻咸豬手明顯唔係買番來，似係師傅大哥自己整，
因為佢完全唔似之前食到果D，咸到…不能接受既咸度，而係好岩香港人口味。
同埋師傅大哥用左整燒肉既方法來整依隻咸豬手，
個脆皮會似平時食燒肉甘，但就多煙黏韌度﹝因為豬手既骨膠原﹞！
再配埋個清清地既芥末籽醬﹝？﹞，可以中和少少咸味，真係整得好出色！
如果要我雞蛋裡挑骨頭，就係 懷舊溏心皮蛋﹝$58﹞
懷舊溏心皮蛋
$58
8 views
0 likes
0 comments
做得唔夠好。雖然個汁個味道調得好好﹝酸同辣度都岩好，唔會酸死人又唔會辣死人﹞，
但係皮蛋仲未完全冰陣夠，就撈落去食，令到成個菜黯然失色左少少…
最後，我地食飽飽後，餐廳哥仔送上一盤 冰陣菠蘿 ﹝$0﹞ 比我地。
冰陣菠蘿
5 views
0 likes
0 comments
為成餐添上完美既句號。仲要賣單都係每人$350左右，係私房菜來講真係超抵食！
仲要好岩我依D好怕中菜太油太咸既人來食！我已經MARK低左依間餐廳，成為我口袋美食既重要一員！
薏米水
$68
2 views
0 likes
0 comments
薏米水
$68
7 views
0 likes
0 comments
Post
