倫哥尊尚火鍋私房菜 (Closed)

一班好友10幾人凍冰冰梗係圍埋一齊拾下拾下，今次我哋訂左個房可以成班人自成一閣，私隱度Max坐底就來左啲小食醫下肚，然後一大盤刺身上枱，睇樣就覺得好食，三文魚夠肥美，甜蝦鮮甜。食完刺身梗係食啲熱野，一煲香噴噴既雞煲自然走唔甩，我哋點左小辣，等個個都食到，雞煲味濃惹味，雞肉都算嫩滑。食完雞煲大家都半飽，但係美食停唔到！點左個微辣湯底一個冬瓜雞湯，滿足哂所有人願意。然後一大盤海盤上枱，全部都好新鮮。牛肉同其他配料都相當唔錯，大家都食到好開心！