Video
Read full review
2023-10-01
63 views
本人後生帶埋八十歲高齡婆婆諗住體驗下西餐啦，中午陪婆婆覆完診對面就係呢間餐廳，我地去到係佢地剛剛開鋪無幾耐首先間野熱到娘親都認唔到，老闆娘見我邊睇餐牌邊撥就話開左個冷氣比我，但係我坐左手邊佢開右手邊嘅冷氣😐老板娘叫左個後生侍應同我地介紹menu 最尾決定要左一個招牌龍蝦湯，軟殼蟹意粉，龍蝦春卷，同埋一個唔記得咩咩咩48小時燒春雞，加兩杯果汁（個意粉同燒雞係可以做套餐，飲品半價，但係只可揀酒精特飲或咖啡，所以我就叫左兩杯正價果汁）龍蝦湯：不如你地個菜單呢個湯前面加個黑椒字🙏呢個係一份黑椒雜調味料水加小小龍蝦肉絲，啲蝦肉係點少法呢，夾埋都無十條。成個湯嘅黑椒係多到好似飲左個譚仔小辣咁辣，落啲黑椒辟腥我明，多到飲落去係辣嘅就過份左囉軟殼蟹意粉：一隻軟殼蟹下面鋪左黑椒撈意粉係啊 又係黑椒啊，又係好多黑椒碎就咁撈意粉。係我錯我想像力豐富，以為個意粉係有汁嘅，錯了！係乾撈，個意粉完全就係純黑椒碎撈出黎，連咸味都無，食到最尾係蟹還蟹 意粉還意粉龍蝦春卷：唔想講 講起就燥底，188一份得五條手指咁粗，手掌短少少嘅春卷，係春卷皮包住一隻內地好hit嘅小龍蝦碎，即係一隻小龍蝦切件包係春卷皮入面，跟住配左個
首先間野熱到娘親都認唔到，老闆娘見我邊睇餐牌邊撥就話開左個冷氣比我，但係我坐左手邊佢開右手邊嘅冷氣😐
老板娘叫左個後生侍應同我地介紹menu 最尾決定要左一個招牌龍蝦湯，軟殼蟹意粉，龍蝦春卷，同埋一個唔記得咩咩咩48小時燒春雞，加兩杯果汁（個意粉同燒雞係可以做套餐，飲品半價，但係只可揀酒精特飲或咖啡，所以我就叫左兩杯正價果汁）
龍蝦湯：不如你地個菜單呢個湯前面加個黑椒字🙏呢個係一份黑椒雜調味料水加小小龍蝦肉絲，啲蝦肉係點少法呢，夾埋都無十條。成個湯嘅黑椒係多到好似飲左個譚仔小辣咁辣，落啲黑椒辟腥我明，多到飲落去係辣嘅就過份左囉
軟殼蟹意粉：一隻軟殼蟹下面鋪左黑椒撈意粉
係啊 又係黑椒啊，又係好多黑椒碎就咁撈意粉。係我錯我想像力豐富，以為個意粉係有汁嘅，錯了！係乾撈，個意粉完全就係純黑椒碎撈出黎，連咸味都無，食到最尾係蟹還蟹 意粉還意粉
龍蝦春卷：唔想講 講起就燥底，188一份得五條手指咁粗，手掌短少少嘅春卷，係春卷皮包住一隻內地好hit嘅小龍蝦碎，即係一隻小龍蝦切件包係春卷皮入面，跟住配左個泰式生蝦醬扮係特調醬汁，中式酒樓個春卷啲蝦都多過佢
咩咩48小時燒春雞：老闆娘好巴閉咁話呢隻雞用唔知咩醃左48小時再拎去焗，真心呢個雞佢比燒味檔白切雞件我我都
無咁嬲，無味無道，又柴，又係配生蝦醬，食之無味，棄之可惜，食唔食好呢，又唔想委屈自己食，但係諗一諗個價錢唔食又好浪費，個伴碟罐頭黃桃係成碟野最好食。
杯果汁仲過份，呢啲西餐廳不嬲都用現成果汁我知啦，現成果汁都可以無我真係呆左，最尾焗住叫蘋果汁
個招牌都寫到明龍蝦即係主打賣龍蝦啦 但係主打都唔好食 可唔可以反省下，同埋唔好成日行埋黎吹水加問好唔好食，唔通我講唔好食咩 自己觀察下啦，雖然我都大鄉里出城好少食西餐，但係好唔好食我都分得出唔會因為你扮走中高檔路線就盲誇你好食（真中高檔路線侍應唔會著到件衫好似對面街酒吧咁露曬肚又噴多多香水）
Post
