Video
Read full review
2024-10-24
535 views
話說屯門區食放題嘅地點少之有少，比我喺網上搵到任食生蠔加雞煲加火鍋放題竟然二百幾蚊。上網睇一睇「負評如潮」、大家食到「鬼哭神嚎」。但係屯門區又真係冇乜放題喎，所以抱住「我不入地獄，誰入地獄」嘅冒險精神試一試。去到門口，今日竟然冇生蠔，不過都照樣試吓啦，因為$248（仲唔使+1）😂。1.雞煲（小辣）：發揮正常，並唔係死鹹嗰種味，而雞件都正常發揮，唔錯👍。2.刺身：都係嗰種放題質素，以咁嘅價錢，不過不失。推介「厚切吞拿魚」、仲有「劍魚腩」幾彈牙、「赤蝦」都係一貫放題級數：大大隻。3.炸物：炸芝士年糕、炸生蠔，新鮮熱辣正常發揮，但章魚小丸子裏面粒章魚又真係幾細粒😂。4.壽司：正常發揮，都係嗰種大大嚿。5.前菜：幾鍾意芝麻八爪魚，好少食到大大粒完整嘅。另外一味「合桃小女子」原來係合桃加魚乾，味道幾好食。中華沙律裏便啲青瓜絲唔錯，爽口乾身。試過喺第二度食都會濕糴糴。6.*加$48飲品（中伏之舉）：因為我哋見食得都幾開心，所以就加咗兩杯特別嘅嘢飲「紫霞仙子」、「紅粉菲菲」，兩杯野都係糖漿溝色素水，味道都幾淡，完全係中伏嘅代表作😵💫，寧願加$40任食生蠔好過啦。總括嚟睇，可能嚟之前上網睇咗好多評論
1.雞煲（小辣）：發揮正常，並唔係死鹹嗰種味，而雞件都正常發揮，唔錯👍。
2.刺身：都係嗰種放題質素，以咁嘅價錢，不過不失。推介「厚切吞拿魚」、仲有「劍魚腩」幾彈牙、「赤蝦」都係一貫放題級數：大大隻。
3.炸物：炸芝士年糕、炸生蠔，新鮮熱辣正常發揮，但章魚小丸子裏面粒章魚又真係幾細粒😂。
4.壽司：正常發揮，都係嗰種大大嚿。
5.前菜：幾鍾意芝麻八爪魚，好少食到大大粒完整嘅。另外一味「合桃小女子」原來係合桃加魚乾，味道幾好食。中華沙律裏便啲青瓜絲唔錯，爽口乾身。試過喺第二度食都會濕糴糴。
6.*加$48飲品（中伏之舉）：因為我哋見食得都幾開心，所以就加咗兩杯特別嘅嘢飲「紫霞仙子」、「紅粉菲菲」，兩杯野都係糖漿溝色素水，味道都幾淡，完全係中伏嘅代表作😵💫，寧願加$40任食生蠔好過啦。
總括嚟睇，可能嚟之前上網睇咗好多評論，批評到一文不值，但係去到又比想像中好好多，我相信店主一定有睇網上嘅評論，所以佢哋都用力去大改進。如果以呢個$248（免加一價），喺屯門區又真係搵唔到。喺呢市道，大家應該比條生路😂，無論價錢、質素佢哋都有積極改善。而員工嘅服務態度又正常、幾好，又有笑容，又主動問有冇地方可以改進，我哋當然係實話實說講兩杯嘢完全唔得一定要改，大概係咁啦！報告完畢😌。
Post