Video
Read full review
2020-03-23
2388 views
布袋澳呢個地方，講真一啲都唔方便， 揸車嚟到要泊車，如果你太新手都有排驚， 因為佢會教你喺條斜路度泊上石壆 ，講真唔係個個得。而喺我嘅心目中，當你要咁唔方便去一個地方，佢一係就啲嘢就獨一無二，一係就係又平又靚又抵食，但係好老實，呢度兩樣都唔係，景又唔係特別靚， 畀大家睇下景先。就係咁一個內灣景講食嘢啦，呢度自稱 墨魚專家，睇開我食評都知我係一個長洲長大 嘅漁村仔，對海鮮要求非常高， 今日同外父外母老婆黎，我叫咗佢哋去揀海鮮，因為如果你畀我揀，我樣樣都揀唔落手，咁佢哋揀墨魚，花甲， 墨魚兩食三百幾，炒花甲 168我冇法子唔稱讚廚師嘅刀功， 講真由細到大我喺長洲食呢個大尾魷做刺身，都係習慣厚切。佢呢塊刺身薄到真係嚇得死人，而且佢好似好大碟 ，但係其實成兜都係冰，只係面一片係墨魚，呢度四個人大概每人夾三片就冇曬。因為墨魚刺身厚切唔係關於成本大左係關於墨魚係食其爽口，你切到咁薄佢個爽口會完全畀你破壞咗第二碟係椒鹽墨魚，因為呢個係厚條，食得返墨魚嘅爽口，好食嘅可能我小人之心，我真心覺得兩碟加埋係冇一隻墨魚咁多肉， 不過佢又應承係一隻，同埋最後我看到一個景象， 等間同大家分享，大家都可以分享下有乜
而喺我嘅心目中，當你要咁唔方便去一個地方，佢一係就啲嘢就獨一無二，一係就係又平又靚又抵食，但係好老實，呢度兩樣都唔係，景又唔係特別靚， 畀大家睇下景先。
就係咁一個內灣景
講食嘢啦，呢度自稱 墨魚專家，睇開我食評都知我係一個長洲長大 嘅漁村仔，對海鮮要求非常高， 今日同外父外母老婆黎，
我叫咗佢哋去揀海鮮，因為如果你畀我揀，我樣樣都揀唔落手，咁佢哋揀墨魚，花甲， 墨魚兩食三百幾，炒花甲 168
我冇法子唔稱讚廚師嘅刀功， 講真由細到大我喺長洲食呢個大尾魷做刺身，都係習慣厚切。佢呢塊刺身薄到真係嚇得死人，而且佢好似好大碟 ，但係其實成兜都係冰，只係面一片係墨魚，呢度四個人大概每人夾三片就冇曬。
因為墨魚刺身厚切唔係關於成本大左
係關於墨魚係食其爽口，你切到咁薄佢個爽口會完全畀你破壞咗
第二碟係椒鹽墨魚，因為呢個係厚條，食得返墨魚嘅爽口，好食嘅
可能我小人之心，我真心覺得兩碟加埋係冇一隻墨魚咁多肉， 不過佢又應承係一隻，同埋最後我看到一個景象， 等間同大家分享，大家都可以分享下有乜諗法
呢碟168嘅花甲，我覺得係好食嘅，啲肉煮得啱啱好，完全唔柴，花甲份量亦都好足， 四個人食得好滿足嘅
海皇豆腐湯， 裏面有蝦有魚有豆腐有菜，又係四個人飲唔曬，一兜份量好充足，好飲，不過說穿了都係味精湯啦
生炒排骨就係生炒排骨
呢個炒油麥菜炒得啱啱好，我覺得係好食嘅，份量亦都充足
埋單四個人around 1000蚊
你話係咪好貴，又唔係貴
但係山長水遠入嚟
我哋係好檢點咁叫咗兩樣海鮮
我相信如果瘋狂叫
每人300-400啦，係咪好好食 ，我覺得正常， 唔係嗰種食完會大叫好好味呀嗰種， 所以我真係覺得特登入嚟嘅話就有啲費時失事，佢有套餐嘅，三千幾蚊圍， 唔貴
Post
