Video
Read full review
2024-03-15
664 views
📌 炑八韓烤 (青衣城）📍 青衣青敬路31-33號青衣城1 1樓119B號舖☎️ 28950370★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*近排煲韓劇，開始俾啲韓風熏陶，呢日同朋友去青衣城行街揀咗食韓燒。中晒韓毒😛餐廳通風系統好，座位寬敞，我哋被安排坐卡位，自成一角，私隱度高 。店員先奉上四款傳統韓式開胃前菜、爐邊蛋一邊係泡菜，一邊芝士粟米粒，全部可以無限refill。💫長牛舌（$198）牛舌全條上，超巨型！第一次見牛舌唔斬既真身！見到真係嚇親，但食落都好爽口彈牙 。💫外裙肉（$158）一份有八件，雪花分布均勻，牛味濃，加上醬汁及蔥花，格外惹味 。💫香烤豬五花（$128）肥肉同瘦肉層次分明，燒果陣爆出嚟嘅油脂燒到豬五花表面呈焦香，包埋生菜食可減低油膩感 。💫仁川鰻魚（$248）我地嗌咗全份，魚身又厚又肥美。特別鳴謝店員教要燒咗魚皮先再反轉燒肉身，仲幫我地睇火同剪開，燒出黎魚皮焦脆，油脂豐富，肉質嫩滑彈牙 。💫海鮮煎蔥餅（$108）將海鮮、蔬菜等混合拌上麵糊和雞蛋，煎出黎金黃薄脆，餡料足 。💫馬格利生米酒（$98）好有米香，帶甜
📍 青衣青敬路31-33號青衣城1 1樓119B號舖
☎️ 28950370
★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*
近排煲韓劇，開始俾啲韓風熏陶，呢日同朋友去青衣城行街揀咗食韓燒。中晒韓毒😛
餐廳通風系統好，座位寬敞，我哋被安排坐卡位，自成一角，私隱度高 。
店員先奉上四款傳統韓式開胃前菜、爐邊蛋一邊係泡菜，一邊芝士粟米粒，全部可以無限refill。
💫長牛舌（$198）
牛舌全條上，超巨型！第一次見牛舌唔斬既真身！見到真係嚇親，但食落都好爽口彈牙 。
💫外裙肉（$158）
一份有八件，雪花分布均勻，牛味濃，加上醬汁及蔥花，格外惹味 。
💫香烤豬五花（$128）
肥肉同瘦肉層次分明，燒果陣爆出嚟嘅油脂燒到豬五花表面呈焦香，包埋生菜食可減低油膩感 。
💫仁川鰻魚（$248）
我地嗌咗全份，魚身又厚又肥美。特別鳴謝店員教要燒咗魚皮先再反轉燒肉身，仲幫我地睇火同剪開，燒出黎魚皮焦脆，油脂豐富，肉質嫩滑彈牙 。
💫海鮮煎蔥餅（$108）
將海鮮、蔬菜等混合拌上麵糊和雞蛋，煎出黎金黃薄脆，餡料足 。
💫馬格利生米酒（$98）
好有米香，帶甜易入口，㗳落香醇，同燒肉好夾 。
💫韓國薄脆牛角酥（$58）
雖然已經好飽，但係人都知，食甜品係另一個胃😇 。壓扁咗嘅牛角包，口感就好似酥脆餅乾咁，上面有一球雪糕，士多啤梨、藍莓做點綴，加上朱古力醬，冰凍甜入心，立刻幫呢餐韓燒清熱氣 。
★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*
Post
