One Bar (Closed)

我大約14:30到達，裡面格局都算幾好，我被安排坐到最入面位(對住怡和)，竟然食食下開始出汗，而且重好焗，我覺得好似係無咩冷氣咁，都算啦，最重要既係野食．我由14:30坐到16:00，其間有幾樣食物完全係無晒，但又唔再出(炒麵& 炒飯)，因為已經無咩好食，迫住食其他野，只係出一D香腸，炸春卷(勁難食)，燒到好玉酸既魚，炸蝦(一出已經比人晒，因為出唔多，重要好耐出一次)，蒸萬頭(好普通，連奶都無提供)，干蒸牛肉(無晒又唔再出)，有中湯(勝在夠熱，但都好耐先再出一次)，刺身又係出好小，蝦片，三文治，好迷你既漢堡包，沙律，完全見到都唔想食，飲品都係一般啦，唔出色，不值一提，唯一好小小係甜品，Cheese Cake，窩夫，最好食，其他都無麻麻地，又係出得好小，我知道有雪糕食，但已經食到好失望，無興趣再食，第係一次試過咁差既Buffet，而又無咩野食既Buffet，佢似Tea多過似Lunch Buffet(佢話係Lunch Buffet嘛，咁小野比人食)，重有，講真，D野真係好cheap囉，我一定唔會再去，個價錢唔值．