Video
Read full review
2017-06-18
1695 views
今日落大雨，陪阿媽黎旺角攞衫，阿媽話附近有間拉麵店經常有人排隊，諗住咁大雨又差不多兩點幾，應該有位卦，就去碰吓運氣。麵店雖然喺旺角但其實係喺比較外圍嘅洗衣街嗰邊，但仍然要排隊。前面大約有十人，好在同時有幾枱客食完走人，所以等左10分鐘左右就入得。等位嗰陣，店員俾左張紙我地點嘢食。咦? 點解係沾麵唔係拉麵? 原來呢間麵店好特別，日間只做沾麵，夜晚就係拉麵。好在阿媽話never mind，反正未試過食沾麵，就試吓(其實我自己都未食過)。阿媽點咗蕃茄海蝦沾麵，我就點咗焙煎黑芝麻沾麵汁，我冇食早餐，所以加左麵底同埋半熟雞蛋。麵店內在環境真係好地道日本feel，阿媽話「好似我煲劇經常見到啲上班族默默地又「擒擒青」食麵嘅麵店。」一入到店就已經聽到幾聲響亮嘅いらっしゃいませ！而且店員經常以流利日文交談，真係以為入左隨意門去咗日本食麵。周圍都係啲日本動漫畫海報、裝飾、吧枱前面仲有啲action figures。上菜時，店員會俾返張點餐紙你離店時埋單用，食完可以喺「客人意見」欄度寫吓comment。餐廳寫埋回覆就貼咗上牆度，唔係凈係揀讚嗰啲貼架，好有heart!!有好多客人仲喺點餐紙後面畫公仔，餐廳會貼
等位嗰陣，店員俾左張紙我地點嘢食。咦? 點解係沾麵唔係拉麵? 原來呢間麵店好特別，日間只做沾麵，夜晚就係拉麵。好在阿媽話never mind，反正未試過食沾麵，就試吓(其實我自己都未食過)。阿媽點咗蕃茄海蝦沾麵，我就點咗焙煎黑芝麻沾麵汁，我冇食早餐，所以加左麵底同埋半熟雞蛋。
麵店內在環境真係好地道日本feel，阿媽話「好似我煲劇經常見到啲上班族默默地又「擒擒青」食麵嘅麵店。」一入到店就已經聽到幾聲響亮嘅いらっしゃいませ！而且店員經常以流利日文交談，真係以為入左隨意門去咗日本食麵。
周圍都係啲日本動漫畫海報、裝飾、吧枱前面仲有啲action figures。
上菜時，店員會俾返張點餐紙你離店時埋單用，食完可以喺「客人意見」欄度寫吓comment。餐廳寫埋回覆就貼咗上牆度，唔係凈係揀讚嗰啲貼架，好有heart!!有好多客人仲喺點餐紙後面畫公仔，餐廳會貼堂架。
等食期間可以先睇吓食沾麵SOP，連SOP都用漫畫表示，仲有中、日、英文版本。
魚介豚骨焙煎黑芝麻沾麵 - 超級濃厚嘅黑芝麻沾麵汁，一上枱已經聞到好香芝麻味，質感就好似甜品芝麻糊咁，食落好有芝麻特有嘅咸香味。麵條好爽夠煙靭，加咗麵底真係好大碗麵，雖然我係肚餓狀態但最後都食唔晒……
魚介豚骨焙煎黑芝麻沾麵
34 views
0 likes
0 comments
原來配菜可以因個人喜好選擇，可以走筍、走蛋或走叉燒，不過我食食吓先望到，建議餐廳可以喺點餐紙註明。
魚介豚骨蕃茄海蝦沾麵 - 又係一上枱就聞到濃烈蝦味，問阿媽整左兩啖試吓，未食嗰陣有啲擔心蕃茄味會蓋過蝦味，但食落覺得兩種味道都完美地平衡，真係いちばん架哩。
魚介豚骨蕃茄海蝦沾麵
25 views
0 likes
0 comments
哈，全部都係蝦~
另加$25額外多三塊叉燒，三塊都好大塊，而且肥瘦均勻，一大塊咁食比起一粒粒更滿足。
叉燒
$25
17 views
0 likes
0 comments
一加落去嗰吓就嗞嗞聲，然後碗汁就即刻冒煙，可以繼續熱住食~記住呀，啲熱石係唔可以食落肚架……
沾麵汁嘅特色係味道濃厚，餐廳亦好貼心，擺咗壼檸檬水，中和吓味道~
連咁鍾意食拉麵嘅鳴門都直豎姆指，搵晚一定要拉埋阿媽嚟試埋個拉麵。
Post
