北海道十勝豚丼 (Closed)

中午食晏試招牌菜，要左碗燒厚豬扒飯套餐。自稱豬扒專家，但出到來塊豬扒只係一般大，厚度係正常唔係厚 (目測 10 -12 mm)，比大埔街市炸豬扒還不如 (已經唔計脆漿)。唔夠肥干身無汁，一味飯多，多到男仔都食唔晒，遇著女士一定浪費半碗。比對面街食烏冬個間o既專門店差足一皮。講真，成個 set 連湯及一個可有可無的沙律夠膽收人 51 元，都算係有夠膽粗粗。或者我應該叫三十元以下 o既餐減低自己o既期望。我俾 OK，主要係侍應態度唔錯，留番幾分薄面。咁o既質素，怪唔得對面 12:00 可以人滿，呢間要 1:00 至滿啦。