Video
Read full review
2017-09-20
648 views
黎到大會既第2日，今日Lunch時既時間長DD，加上屈小姐尋晚同賴生屋企人出左去食飯既關係，賴生準備唔到今日既Lunchbox，所以我地就決定出去覓食啦！本來仲諗緊食魚湯米，Pho定Salad好，但當我地出到會場，就撞到我地熟悉既一班面孔啦出發緊去演藝學院食Lunch，我地就跟埋去一齊食啦！長征左十分鐘之後，我地終於黎到演藝學院，行樓梯上一層就到左目的地啦：《演藝坊》！《演藝坊》係一間好大既餐廳，全部野都採用自助形式，包括拎水拎餐具同搵位，不過勝在夠大，都唔難搵到位！當賴生同屈小姐排隊望下食咩果陣，發現原來《演藝坊》其實即係美心MX! 今日居然有屈小姐之前想食既泰式椰香燒雞飯，而賴生就一早睇中左三餸飯，因為有菜！屈小姐之選：泰式椰香燒雞飯：3.5⭐️所謂既燒雞飯，係一塊好厚好厚既大大燒雞扒，冇骨！岩晒我地D懶人！不過如果係健康既小朋友，建議你地起左塊皮先食，因為塊雞扒雖然大，但皮下既脂肪都好多，要清清佢先好食！不過件雞係好滑好厚嫁！佢面頭淋左椰漿，加上少少辣同好香，都確實營造到一點泰式風味既！而白飯又淋上左椰漿，啖啖椰子甜味，都幾好不過有2個弊病：1）放原條辣椒係面，係裝飾定係想人食辛辣
本來仲諗緊食魚湯米，Pho定Salad好，但當我地出到會場，就撞到我地熟悉既一班面孔啦出發緊去演藝學院食Lunch，我地就跟埋去一齊食啦！
長征左十分鐘之後，我地終於黎到演藝學院，行樓梯上一層就到左目的地啦：《演藝坊》！
《演藝坊》係一間好大既餐廳，全部野都採用自助形式，包括拎水拎餐具同搵位，不過勝在夠大，都唔難搵到位！當賴生同屈小姐排隊望下食咩果陣，發現原來《演藝坊》其實即係美心MX! 今日居然有屈小姐之前想食既泰式椰香燒雞飯，而賴生就一早睇中左三餸飯，因為有菜！
泰式椰香燒雞飯
$41
50 views
0 likes
0 comments
屈小姐之選：
泰式椰香燒雞飯：3.5⭐️
所謂既燒雞飯，係一塊好厚好厚既大大燒雞扒，冇骨！岩晒我地D懶人！不過如果係健康既小朋友，建議你地起左塊皮先食，因為塊雞扒雖然大，但皮下既脂肪都好多，要清清佢先好食！不過件雞係好滑好厚嫁！佢面頭淋左椰漿，加上少少辣同好香，都確實營造到一點泰式風味既！
而白飯又淋上左椰漿，啖啖椰子甜味，都幾好
不過有2個弊病：
1）放原條辣椒係面，係裝飾定係想人食辛辣D可以用黎加辣呢？如果係後者，切碎左放開一碟更佳，因為始終食物唔係用黎裝飾，而係食既
2）墊雞扒果塊生菜，索滿晒燒雞既油，完全唔食得，同埋都真係勁多油
三餸飯
$36
87 views
0 likes
0 comments
賴生之選：
三餸飯：3.5⭐️
係一個正正常常既三餸飯，當日有5款餸比賴生揀，最後賴生放棄左個望上去好似好滑好正既蒸水蛋，原因唔係怕唔夠飽，而係⋯佢用午餐肉蒸蛋，好奇怪⋯ 而另一點要讚賞既係每個餸都配左菜，而且仲有淨菜揀，健康D麻
翠肉瓜炒肉片：幾好味，好多翠肉瓜，又索左肉汁既味道，而且煮既軟硬程度岩賴生
薯仔炆雞肉：薯仔夠晒淋啦，雞肉都冇乜骨，不過不失啦！
菜有好多，賴生好鍾意！可以同屈小姐些牙食！
好好彩既係，我地早黎到，好快就有位坐，如果遲D黎就多人啦！而走果位賴生四處張望，暗地裡保護住屈小姐，廢事比D校長/老師/星探睇中佢，之後發掘佢(睇黎賴生妄想症又發作)
#我的一小時演藝人生
#好鼓勵既大會
#好好彩既我地
#食飽飽要繼續加油
Post
