慢煮工業 (Closed)

聖誕gathering又黎喇，我們2口子同表姨2口子一齊食飯。太子呢間慢煮工業第一次黎，門口好有聖誕氣氛，裏面環境不算大，但佈置精緻，燈光有情調，我地都配合一下，細細聲傾計😂呢度食野要去收銀到落order同俾錢，記得自己坐咩枱，咁就可以返去坐低等食喇。由於今次都算係聖誕大餐加上唔算貴，所以都order左好多野食，我地落左美國安格斯肉眼牛扒，燒燻豬仔骨，炸雞，焗羊後膝，蟹肉羽衣甘藍沙律，炸粗直薯條，牛油果三文魚薄餅同滿蜆肉蝴蝶意粉😋自己都覺得大食呀😂肉眼牛扒加隻蛋，外表煎得岩岩好，唔會話過份乾而柴皮，肉質咬落鬆化，肉汁豐富，帶有牛脂香味，好味道。豬仔骨肥美肉厚，肉嫰夠淋，個醬汁唔錯，唔會太濃味，但又惹味十足。炸雞表皮炸到好酥脆，但肉有點乾，味道偏濃。豬覺得羊後膝好好味，表層微焦帶香，香濃羊肉味，但唔係羶到入唔到口，肉質嫰滑多汁👍蟹肉羽衣甘藍沙律，蟹肉夠鮮甜，份量多，配埋新鮮爽脆嘅羽衣甘藍，入口爽甜，成為開胃嘅前菜。薯條偏向粗身，薯味較重，口感較佳，炸出黎嘅薯條唔會太油膩，聲沙嘅表姨一條接一條，冇停過口。三文魚＋牛油果＝減肥恩物🤔呢個薄餅會唔會愈食愈瘦豬就唔知道，但肯定係愈食愈好味，牛油果