Video
Read full review
2018-09-13
6913 views
嚴選我最愛的日本餐廳，HokaHoka 一定係頭三甲！唔係咩高級日本料理，但就係用心經營、有風格嘅餐廳。我唔算係熟客仔，但大大話話同不同嘅朋友組合幫襯過6-7次，每逢話去尖沙咀食飯，又想食日本嘢的話，我都會推薦呢間。今日同一位朋友又嚟到，旨在摸下酒杯底，簡單食吓嘢咁，所以就叫咗個雜錦壽司、明太子雞翼、芝士酒盗同雞泡魚乾，每款都係送酒菜。芝士酒盗係醃製魚內臟，配上北海道軟芝士，前者咸香，後者軟滑creamy，不知不覺就會飲晒成杯酒！壽司拼盤款式雖然普通咗d，但勝在每一款都好新鮮。海膽澎湃足料不在話下，吞拿魚小卷嘅魚肉都好有鮮味！其餘兩款佐酒小食，明太子雞翼同燒雞泡魚干都好食。雞翼熱辣辣，外皮夠脆，雞泡魚干淋淋地夠惹味。下次再去又食乜好呢？
今日同一位朋友又嚟到，旨在摸下酒杯底，簡單食吓嘢咁，所以就叫咗個雜錦壽司、明太子雞翼、芝士酒盗同雞泡魚乾，每款都係送酒菜。
芝士酒盗係醃製魚內臟，配上北海道軟芝士，前者咸香，後者軟滑creamy，不知不覺就會飲晒成杯酒！
壽司拼盤款式雖然普通咗d，但勝在每一款都好新鮮。海膽澎湃足料不在話下，吞拿魚小卷嘅魚肉都好有鮮味！
其餘兩款佐酒小食，明太子雞翼同燒雞泡魚干都好食。雞翼熱辣辣，外皮夠脆，雞泡魚干淋淋地夠惹味。
下次再去又食乜好呢？
Post
