定食 Doraya (Moved) New Location

呢間餐廳我同老公過幾次﹐次次都食得好滿足地走！通常我叫一個蔥吞拿魚碎定食﹐同埋冷麵加吞拿魚飯定食﹐佢地個茶碗蒸都幾好味，我老公話撈飯一流呀﹐其實ｄ伙計態度都ｏｋ﹐我上次一條冷買外賣食﹐坐係門口仔度等﹐等五分鐘度啦﹐個收銀已經係度猛講唔好意思﹐其實都只係等一陣之嘛～到我食個外賣既時候﹐我就覺得呢間餐廳好細心﹐我叫個蔥吞拿魚碎飯﹐佢將ｄ飯同魚肉分開﹐ｄ魚肉就用保鮮紙包好﹐再擺個冰包係底﹐ｄ蔥就另外有個兜仔裝住﹐平時我去果ｄ所謂日本餐廳叫個魚生飯行街，都係一碗搞掂﹐邊有咁得閒同你分開上呀！