Video
Read full review
2009-06-28
64 views
每逢星期六我地放工都會煩緊食乜好~今次我睇到呢度d吉列豬扒好似好好味咁，同埋又睇到話佢有2樓，即刻覺得而家好少茶餐廳有2樓之餘又有書俾客睇~淨係甘openrice睇到呢度都覺得好吸引！我地一去到睇住錶係1:45pm~ 但眼見佢tea time係2:30pm就諗住走，點知有個waitress走出黎sell下我地食乜，跟住我話想食tea set果個吉列豬扒拼沙律，我話我地行陣先黎~佢話叫杯野飲，落住order先就好快有得食，又可以睇下D漫畫同埋小說先~我地行入去時有遮o係身，佢叩我地放o係遮架度，我一定唔制喇！如果自己唔記得拎，又或者俾人拎左(<---試過幾次怕怕了)，咁點算呀？佢俾個膠袋我地放住~我地問佢係咪有2樓，原來2樓唔係o係鋪位入面上去，係o係隔離既樓梯上一層~一上到去，嘩左一聲！雖然呢隻有相睇過個樣，但佢用黃燈，又有好多漫畫+小說睇，個waitress 一直o係我地隔離好有心機咁介紹食乜好，佢知我地第一次黎，連隻碟既size都講埋，超有heart！好期待既tea黎喇！吉列豬扒拼沙律+凍檸茶($20)︰佢跟埋沙律醬，我超愛的！d豬扒好juicy，雖然唔係東記咁厚切，但佢脆
今次我睇到呢度d吉列豬扒好似好好味咁，
同埋又睇到話佢有2樓，即刻覺得而家好少茶餐廳有2樓之餘又有書俾客睇~
淨係甘openrice睇到呢度都覺得好吸引！
我地一去到睇住錶係1:45pm~ 但眼見佢tea time係2:30pm就諗住走，
點知有個waitress走出黎sell下我地食乜，
跟住我話想食tea set果個吉列豬扒拼沙律，
我話我地行陣先黎~
佢話叫杯野飲，落住order先就好快有得食，又可以睇下D漫畫同埋小說先~
我地行入去時有遮o係身，佢叩我地放o係遮架度，
我一定唔制喇！如果自己唔記得拎，又或者俾人拎左(<---試過幾次怕怕了)，咁點算呀？
佢俾個膠袋我地放住~
我地問佢係咪有2樓，原來2樓唔係o係鋪位入面上去，
係o係隔離既樓梯上一層~
一上到去，嘩左一聲！
雖然呢隻有相睇過個樣，但佢用黃燈，又有好多漫畫+小說睇，
個waitress 一直o係我地隔離好有心機咁介紹食乜好，
佢知我地第一次黎，連隻碟既size都講埋，超有heart！
好期待既tea黎喇！
吉列豬扒拼沙律+凍檸茶($20)︰佢跟埋沙律醬，我超愛的！d豬扒好juicy，雖然唔係東記咁厚切，但佢脆之餘，味道岩岩好！d沙律都好多，有成半碟！不過唔係個個岩食，因為佢入面有西芹、紅蘿蔔、薯仔、蘋果、青瓜、桃~ 我個fd唔食西芹的，而我都係第一次出街食沙律食到有西芹，但我個人黎講係超愛的！
吉列魚柳拼沙律+熱杏霜($17)︰佢塊魚柳都ok架！佢杯熱杏霜一聞係超香濃！一用spoon 搞下佢，係杰既，應該用左多粉去沖，諗住好期待之際，第一淡我已經想嘔......因為佢好大陣裝修果d油既味......我叫waitress換過杯，佢好好禮貌，我要左熱好立克~
不過熱好立克就水左dd~
service︰我真係要讚！整個tea 我地見到有3個姐姐︰(1)serve我地落單果個；(2)換好立克果個；(3) SERVE隔離檯果個~ 第1,2個唔多講，第3果個拎野飲去隔離檯，但原來係佢落錯左，佢唔好意思咁問佢地岩唔岩飲，佢地話冇問題之後，就講左超過3次既「唔好意思」同埋「多謝」~ SERVICE重好過大酒樓果D多多聲！因為係自己錯，原本要加$2 既凍飲而家free左俾佢地~
我一一一定會去的~o係度食野好舒服呢！我搵到一個落腳地，如果唔知食乜好，我都會去呢度的~
Post
