骨子裡 (Closed)

今日公眾假期，30幾度真係行唔到山。所以就約埋朋友出嚟去咖啡室hea下，享受下休閒時間。因為朋友原來從來都未去過香港島歷史悠久嘅西營盤地區。所以我就即刻上網做功課，睇吓呢頭有啲乜嘢出名嘅咖啡室，帶朋友試吓同埋同佢附近行吓，感受下呢度歷史氣氛。約朋友下午茶時光，當然係至少2，3點。今日陽光普照，行下般咸道，欣賞下啲舊建築好快就行到去今日嘅重點——骨子裡。試吓佢哋出名嘅日式咖啡，非常期待！提提大家入面地方唔係太大，所以建議假期時間嚟嘅時候就要預咗要等一等。入面坐低非常舒服好友日式咖啡室嘅風味。我就今日叫咗牛奶latte同埋綠茶咖啡。 牛奶latte濃郁嘅牛奶香味。至於綠茶拿鐵，雖然好多地方都有但係呢度嘅味道相對比其他地方更加香嘅綠茶味道。喺呢度飲下咖啡傾吓計兩個冷氣其實好快就渡過一個晏晝啦。大家去香港島，chill下，呢度絕對係一個好地方！