桃子Cafe (Closed)

終於俾我搵到一間隱世美食係旺角，仲係可以食到我最愛嘅蛋包飯，門面仲貼滿咗有蛋包飯嘅相片，已經覺得勁吸引，所以同朋友就入去食。 當然一定叫一碟蛋包飯，朋友就叫一碟意粉+ 2杯特飲 + 2個甜品，我仲叫一隻溫泉蛋🥰 日式明太子海鮮白汁意粉🍝碟意粉一上枱，就嘩咗一聲出嚟💥勁大碟呀，仲要勁多明太子呀；意粉口感夠彈牙；海鮮配料仲好多(蝦、魷魚、蜆、蟹柳)；配白汁夠滑，又香又好味，真係勁抵食 日式咖哩流心芝士🧀漢堡蛋包飯安格斯手打漢堡，用人手打手肉，勁鬆軟又juicy，有成寸幾兩寸厚；面層鋪上流心芝士，可以拉絲拉到好長😍，芝士仲係煙煙韌韌，真係好有咬口；咖喱仲係用好多蔬菜製作而成，咖喱唔辣，仲好香，撈埋飯一齊食真係好好食；咖喱內放有蔬果；仲有蛋包飯最重要嘅蛋，勁香滑，啲飯係軟綿綿🍚😋 溫泉蛋🥚(追加)溫泉蛋大大隻又滑又彈牙(好彈呀🥰就咁倒入口，真係好正 柚子蜜青檸🍋梳打，清甜好飲，又唔會太甜，仲可以解渴 香滑薄荷🌱朱古力特飲，仲唔甜，仲有好like嘅薄荷味 日式卜卜奶凍 x2香滑奶凍，奶味夠香 桃子Cafe旺角通菜街22號地下