爵士拉麵

Open Now

Now Closed

自從搬入聯和墟，每一兩星期都會食一次拉面，但就第一次幫佢寫食評，其實我7年前已經食過幾次，個陣有老闆娘響到趕客，負皮不絕，事隔幾年，老闆個女都會幫手煮面，但老闆娘不見了，員工有禮貌左，當然都係落單就要俾錢.但就無聽到唔俾加單之類，但一般熟客都唔會加單。講番碗拉面，我食黎食去都係醬油湯，湯底係豬骨煲，但係清湯個隻，加埋醬油，係我食咁多次都唔覺得厭，亦唔會好油，好咸或者好溜既感覺。拉面面質粗身，彈牙爽口，小女子大碗都照清，我既首選小食係炸雞，外層炸得乾身又脆，入面有肉汁。