湄南 (Closed)

可能男仔都比較鍾意食硬野，家住將軍澳站附近，有時覺得想喺附近食晚飯，除咗一啲大集團式經營店以外冇乜其他另類美味選擇。近來發現原來天晉二期新開商場pop walk 有一系列食店，而呢一間個海南雞飯就變成左我喺將軍澳最鍾意既選擇喇！一睇就知個portion其實幾大份，啱晒我。隻雞好肥美滑溜，個酸辣醬同埋個姜醬都好好味，記得點。重點係附送嗰個湯，有青紅蘿蔔豬骨雞腳南北杏雪耳眉豆，超足料(我覺得應該冇味精)，百喝不厭！之前來過幾次都係飲同一款湯，我諗佢應該係唔會轉嘅指定湯品(千祈唔好轉呀！好嘢係唔使成日轉！)個海南雞飯埋單$80都唔使，就算夜晚食飯都係冇加一服務費，的確係區內一間好味又平實嘅餐廳。無論一個人或一班人去食都係一個好選擇。如果你係午飯時間見到有個平價海南雞飯，我都建議你選擇menu單點比較貴那個。因為lunch set係冇嗰個靚湯同埋雞嘅份量係會比較細。海南雞飯一直係我嘅至愛之一。另外我亦都係鰂魚涌食開一間海南雞飯好正嘅地方，如果你都想知道就立即click我另一篇文章啦。