簡品堂 (Closed)

我女女一歲生日會，我一個月前已經想訂獨角獸兩層蛋糕。周圍格價，ig店索價3-4千不等。但又往往做唔到我心目中想要嘅灰藍色。經過南豐，見到佢display有個小馬蛋糕用左我想要嘅灰藍色，我就問可唔可以將獨角獸蛋糕轉為呢隻色。我差唔多將個蛋糕嘅顏色、配襯嘅蝴蝶轉做花，所有野都改過晒。店員亦好有耐性去配合。但畢竟未見過製成品，我都擔心左好耐，終於生日會當日，佢地嘅製成品都係我心目中想要嘅野。味道方面，cream又唔會太甜，我入面揀左芒果蛋糕，蛋糕都好鬆化。賓客們都讚好。