旦王花 - 泰越鍾情

Open Now

Now Closed

同老公踩完單車，想搵間靚餐廳chill 下食下飯，我揀左旦王花，因為我鐘意佢個水池🫶 去到錦田開地圖搵先知原來條路唔短同埋馬路窄，不過我已經打左電話去book, 就硬住頭皮踩過去，好彩係夜晚8點食飯時間車唔多。去到發現地方好大，中間有水池，有bar 枱呀咁， 睇餐牌cp 值好高👍青咖哩雞$98味道唔錯，有好香椰奶味，入面有4季豆、泰國矮瓜，雞肉，都幾大碗牛油薄餅$42我覺得呢個好好味呀，牛油有鹽味咸咸地，口感好煙韌，仲有好多塊tim, 42蚊抵啦！鐵板蠔仔蛋上到枱炸一聲，好正，我驚佢會燒焦，好彩下面有好多芽菜喺底，同埋好大碟，食完好飽。石榴子冰呢個好耐無食過啦，椰汁底，有d 甜甜既粒粒，個粒既口感係煙靭嘅外皮包住啲類似馬蹄粒嘅嘢。好飲！總結我覺得呢間餐廳地方大，泊單車泊車都方便，食物cp 值高，由其係牛油薄餅，會再黎。