Video
Read full review
2018-11-04
371 views
在早之前喺西貢海邊，已經幫襯過呢間餐廳，覺得非常好食，佢嘅們關於白酒煮紐西蘭大蚌非常好食，但始終比較遠，只係試過一兩次。自從搬咗出嚟尖沙咀美麗華酒店商場後，就已經試過晚飯，水準比以前光之而無不及，可能因為廚房大左客源多左，啲食物係做得仲好咗及多咗款式！ 反而今次我想介紹係午餐，非常之抵食，lunch set, 有成六七款，除咗比較高價去到$150嘅葡式乳豬外，其他都只係有70幾蚊度到120幾蚊，響尖沙咀咁舒服嘅地方，加埋咁嘅食材我覺得係超值！報告係綜合左3次午餐嘅經驗，我食過一個最好味嘅帶子意粉，本來唔鍾意隻顏色，綠綠地色好怪，但等了幾耐下先到，第一口因為個都好夠熱，同埋啲帶子煎得好香好吸引，我一口氣食晒！重點係啲帶子表面煎得香口金黃，但係內裏仲係滑溜嘅糖心！第二樣要介紹嘅反而係我覺得個馬介休都比想像中跟更好，魚皮脆香，肉好有魚味，juicy，因為我真係好怕食啲好乾好易到變咗鞋口到不得了的西式魚扒！ 加埋個creamy汁，不得了！朋友吃葡式豬扒焗飯，我食咗一吃豬扒不過不失。反而砵酒焗牛尾，亦係超值之選，因為我印象中晚餐都係幾貴之菜式！牛尾炆得啱啱好，連啲軟骨位都起晒膠，同埋可以一路一路
自從搬咗出嚟尖沙咀美麗華酒店商場後，就已經試過晚飯，水準比以前光之而無不及，可能因為廚房大左客源多左，啲食物係做得仲好咗及多咗款式！
反而今次我想介紹係午餐，非常之抵食，lunch set, 有成六七款，除咗比較高價去到$150嘅葡式乳豬外，其他都只係有70幾蚊度到120幾蚊，響尖沙咀咁舒服嘅地方，加埋咁嘅食材我覺得係超值！報告係綜合左3次午餐嘅經驗，我食過一個最好味嘅帶子意粉，本來唔鍾意隻顏色，綠綠地色好怪，但等了幾耐下先到，第一口因為個都好夠熱，同埋啲帶子煎得好香好吸引，我一口氣食晒！重點係啲帶子表面煎得香口金黃，但係內裏仲係滑溜嘅糖心！
第二樣要介紹嘅反而係我覺得個馬介休都比想像中跟更好，魚皮脆香，肉好有魚味，juicy，因為我真係好怕食啲好乾好易到變咗鞋口到不得了的西式魚扒！ 加埋個creamy汁，不得了！
朋友吃葡式豬扒焗飯，我食咗一吃豬扒不過不失。
反而砵酒焗牛尾，亦係超值之選，因為我印象中晚餐都係幾貴之菜式！牛尾炆得啱啱好，連啲軟骨位都起晒膠，同埋可以一路一路食晒啲肉，都冇難度！紅蘿蔔都係入晒味！
杯跟餐咖啡係用即磨蒸漏咖啡，絕不馬虎，OK！
環境方面因為始終係商場嘅裏面，樓底比較矮但係空間好闊落，補番呢個先天缺陷，唔算侷促，反而最重要係周圍嘅妝飾到好有葡國風味，睇到老闆好有心思。
煎鱸魚
44 views
0 likes
0 comments
帶子意粉
12 views
0 likes
0 comments
葡汁焗豬扒飯
64 views
0 likes
0 comments
葡式乳豬配飯
36 views
0 likes
0 comments
砵酒焗牛尾
20 views
0 likes
0 comments
Post
