金鶴拉麵 (閩街)

Open Now

Now Closed

自己一直以來都好鍾意去食日本嘢，今日行過呢度附近，上次嚟呢度食完拉麵，今次決定嚟食佢嘅鰻魚飯。佢嘅活燒蒲燒鰻魚飯嘅特色就係會新鮮劏鰻魚，所以一個套餐$238 ，對於我來講，雖然有少少貴，但都算係值嘅。經過15分鐘之後，一整份套餐，就擺喺我眼前。佢仲特別附上香麻嘅調味粉，再配上麵豉湯同埋芥辣八爪魚作為前菜。用一個辣嘅食物，作為前菜，我覺得係特別開胃。佢嘅鰻魚肉，係好大份，而且亦都好口，咬落去嘅時候係一舊完整嘅彈牙嘅魚肉，喺個口裏面慢慢溶化，每咬一啖嘅時候都好似咬緊一啖就一啖嘅肌肉。蒲燒嘅醬汁整得非常香，再配埋珍珠白飯，白飯都有鰻魚味，我覺得整得幾好。最後我叫咗呢度嘅Black Lager作結，味道完全唔苦，仲有一陣麥香味。