Video
Read full review
2024-03-10
86 views
我可以同你講中上環所有越式餐廳我大部分已經食過哂，就講緊電車路附近已經有6-7間越南餐廳，但呢間藏身於小巷裡既越式小店，我頭一次去試，我可以定論係我食過既最好食既一間。鋪面好細不甚起眼，藏身於永吉街既小巷入面，老闆娘又係廚師又係老闆，正宗越南人。同佢傾開偈知道佢所有野都親力親為，但食物質素既把控有要求，好似我當日叫左個蕃茄蟹肉湯檬 蟹肉鮮蝦扎肉蟹肉餅 $83整個碗都係爆多蟹肉，濃湯底蕃茄味非常濃郁，原來佢個湯底非常講究，每天用新鮮既蝦用蟹放入攪拌機打粉然後攞出來隔渣而成既湯頭，飲落去絕對分得出，唔係用罐頭蟹膏溝既湯底來，$83絕對比食日本拉面高性價比仲有蟹肉餅係用豬肉同蟹肉混合而成 啡色嗰啲係蟹膏來，來到一定要試烤牛肉沙律 $98好少見到係青瓜底嘅沙律，上枱既賣相好有食慾 上面仲加上黑椒碎， 洋蔥同蕃茄仔，牛肉好多塊，當我食第一淡牛肉感覺好特別既味道，肉身彈牙有咬口，味道帶點酸香加上香料既味道，老闆娘話原來呢個醃製係秘方來，外面食唔到既味道。呢個又係必定要叫既。鮮蝦米子卷 $78其實我不嬲對米卷無咩好感，可能係我之前食開既米卷都係裡面鬆散平平無奇，要加上酸汁先會好食d,所以開頭對呢度既
鋪面好細不甚起眼，藏身於永吉街既小巷入面，老闆娘又係廚師又係老闆，正宗越南人。同佢傾開偈知道佢所有野都親力親為，但食物質素既把控有要求，好似我當日叫左個
蕃茄蟹肉湯檬 蟹肉鮮蝦扎肉蟹肉餅 $83
整個碗都係爆多蟹肉，濃湯底蕃茄味非常濃郁，原來佢個湯底非常講究，每天用新鮮既蝦用蟹放入攪拌機打粉然後攞出來隔渣而成既湯頭，飲落去絕對分得出，唔係用罐頭蟹膏溝既湯底來，$83絕對比食日本拉面高性價比
仲有蟹肉餅係用豬肉同蟹肉混合而成 啡色嗰啲係蟹膏來，來到一定要試
烤牛肉沙律 $98
好少見到係青瓜底嘅沙律，上枱既賣相好有食慾 上面仲加上黑椒碎， 洋蔥同蕃茄仔，牛肉好多塊，當我食第一淡牛肉感覺好特別既味道，肉身彈牙有咬口，味道帶點酸香加上香料既味道，老闆娘話原來呢個醃製係秘方來，外面食唔到既味道。呢個又係必定要叫既。
鮮蝦米子卷 $78
其實我不嬲對米卷無咩好感，可能係我之前食開既米卷都係裡面鬆散平平無奇，要加上酸汁先會好食d,所以開頭對呢度既米卷都無咩期望，但食左呢度既米卷後，對米卷有一個大改觀，食落口感豐富內裡 餡料飽滿，有不同層次既味道原來入面加左牛油果｀沙律醬 ｀生菜 紅白蘿蔔絲同羅勒葉，我可以話呢個係我食過最好食既米卷來。
同老闆娘傾多陣，完全感受到佢對食物烹調嘅執著，邊個話香港餐廳慢慢走向商業化機械化既出產，其實仲有一班人好努力咁經營緊佢既小店，為香港飲食界出緊力。
呢間絕對係我心目中既米豬連餐廳
俊軒越南餐廳 (中環)
中環永吉街36號永吉利商業大廈地下E號舖
#中上環美食 #香港美食 #小店 #食評家 #越南餐廳 #相機食先 #foodie #hkfood
Post
