八時神仙草 (歌賦街)

Open Now

Now Closed

📍八時神仙草中環歌賦街19號地舖大家！八時神仙草嘅打低咗茶痴成為我心目中嘅「上環飲品Top 1」。話說今日個同事請野飲，我就即刻揀咗呢間 — 我bookmark咗好耐，但撞唔啱時間去食嘅八時神仙草～佢有奶茶嘅，但我最後揀咗杯特別啲嘅～圓仔芒果甘露凍 $40（Foodpanda外賣自取價）好足料！基本上楊枝甘露有嘅料佢都有齊。一飲落口，就知道係真材實料，唔係假芒果味！成杯野唔會太甜。仙草煙煙韌韌、味道唔會太濃，好夾！佢個小丸子煙韌、軟糯並存，個個同事都讚不絕口。比較遜色嘅係所用嘅沙田柚有啲苦澀，同埋飲管唔夠粗，啜得有啲辛苦。一定會再幫襯啊，不過由office行去舖頭有一條好長嘅樓梯，行完腳仔軟🥲。我哋去到自取大概下午三四點，舖頭好多人，好羨慕啲唔使返工嘅人🥹。