宮葉 パフェ (Closed)

中間有啲時間，就自己去食個拉麵。有啲餐廳如果一個人去食嘅話會好尷尬，但係呢間就完全唔會，裝修都幾精緻木系設計。吉野牛肉拉麵＄58炒過的牛肉、糖心蛋、紫菜兩片、木耳分量都好充足，食完夠飽。炒過嘅牛肉有少少油膩，不過勝在夠香口。糖心蛋的確夠甜，做得不錯有半隻。紫菜就比較有鹹香但不脆。有少少木耳又增加口感，可以同時配搭香蔥一起進食。拉麵來講就不能同貴價拉麵店比較，因為用的都是普普通通的拉麵。與價錢是成正比的。櫻花特飲＄38蘋果汁，櫻花與雜果（奇異果、檸檬、士多啤梨、雪梨、紅桑子）薄荷葉飲品方面雖然可以加錢叫普通飲品或者波子汽水，不過我自己就想試吓啲特色飲品。特別見到佢有咁多水果，非常吸引人。綠茶蘋果汁好香甜而且不造作，而且有好多唔同雜果清新又消濟。