中國冰室 (Closed)

早前網上有個炸雞脾等輯，講香港仲有邊度有懷舊炸雞脾食。見中國冰室有上榜，忽然諗起知道呢間野好耐都未黎食過，皆因佢好唔就腳（旺角行去奧運站果頭，過曬朗豪去到街市果邊 ），而通常去開果頭都會去食果間豆品，所以一路都無機會試。今日約左朋友晌旺角集合，點知佢忽然有事要遲一粒鐘，於是就慢慢行過去，坐低食隻炸脾飲杯奶茶。中國冰室本身都有好多年歷史，令我諗起天后拍「文雀」果間。可惜天后地段租金貴捱唔落去，希望呢類古舊冰室可以生存到啦。一入去，正正就係舊冰室裝修，而且佢同前者一樣有二樓。見到佢地將舖打掃得好乾淨，就知道人地係有心機做。如上，我ｏｒｄｅｒ左生炸脾同埋凍奶茶：炸脾（8／10）：好大隻，有肉汁，好味，但如果有多少少酒香會好啲，始終係柴灣四興比較好食奶茶（9／10）：茶味奶味好balance，唔澀口，好味道好值得一去既冰室，推介總結：（O）味道好，價錢唔貴，性價比ok（O）環境乾淨，坐得舒服（O）職員有禮（△）地點比較遠，但旺角地鐵站步行10分鐘可到