Video
Read full review
2008-10-21
279 views
21-OCT-08 1PM 今日由同事 J帶我去新香食 lunch, 早知道有此店存在, 但由於要行10分鐘"長命斜", 夏天去絕對不宜, 而家天氣稍涼正好~門口各式各樣懷舊餅食令我呢個生於80年代的小花大開眼界, 唔好講話紙包蛋糕, 蛋撻, 連朱古力三角, 朱古力cookie, 老婆餅, 同超迷你蝴蝶酥都一一齊全. 而且都好新鮮呢~找個暗角卡位坐落, 發現另一樣特色之處: 此店所供應既食品種類有點"澳牛"影子. 中午的"午餐 /特餐" 都是差不多. 沒有太多選舉, 既然九成食客都食此餐, 我又跟大隊: 餐肉+ 雙蛋, 齋多, 雪菜米. 熱奶茶. 同事j則要炒蛋+ 炸菜麵. 煎雙蛋生熟情度剛好, 最愛蛋液流o係多士面, 夾埋半塊午餐肉, 很是美味. 最抵讚係佢既午餐肉唔會紙咁薄, 已經好好. 雪菜米則比較普通, 反而同事的炸菜肉絲麵份量頗多, 大光麵煮得剛好. 可以一試. 奶茶用厚身瓦杯盛著, 甚有風味, 但略嫌茶香有點不足. 食到中場, 受不由廚房出爐蛋撻既香味誘惑, 又追加一件共享, 薄而酥脆的撻皮加上嫩滑蛋心, 勁滿足. 二人一致同三點三來一打做TEA最好不過! 埋單 $
今日由同事 J帶我去新香食 lunch, 早知道有此店存在, 但由於要行10分鐘"長命斜", 夏天去絕對不宜, 而家天氣稍涼正好~
門口各式各樣懷舊餅食令我呢個生於80年代的小花大開眼界, 唔好講話紙包蛋糕, 蛋撻, 連朱古力三角, 朱古力cookie, 老婆餅, 同超迷你蝴蝶酥都一一齊全. 而且都好新鮮呢~
找個暗角卡位坐落, 發現另一樣特色之處: 此店所供應既食品種類有點"澳牛"影子. 中午的"午餐 /特餐" 都是差不多. 沒有太多選舉, 既然九成食客都食此餐, 我又跟大隊: 餐肉+ 雙蛋, 齋多, 雪菜米. 熱奶茶. 同事j則要炒蛋+ 炸菜麵. 煎雙蛋生熟情度剛好, 最愛蛋液流o係多士面, 夾埋半塊午餐肉, 很是美味. 最抵讚係佢既午餐肉唔會紙咁薄, 已經好好.
雪菜米則比較普通, 反而同事的炸菜肉絲麵份量頗多, 大光麵煮得剛好. 可以一試. 奶茶用厚身瓦杯盛著, 甚有風味, 但略嫌茶香有點不足. 食到中場, 受不由廚房出爐蛋撻既香味誘惑, 又追加一件共享, 薄而酥脆的撻皮加上嫩滑蛋心, 勁滿足. 二人一致同三點三來一打做TEA最好不過!
埋單 $ 50.50. 老闆少收五亳, 是新派茶記少有的人情味, 臨走時再外賣半磅蛋糕仔回公司, 也好吃. 下次一定要試勻合桃小 cupcake,三角蛋糕, 仲有好可愛, 只有 5蚊大小既蝴蝶酥先得~!
Post
