Tapa Room (Moved) New Location

西班牙人習慣放咗工去酒吧，飲啲酒食下TAPAS，吹下水 relax下。 我喜歡西班牙菜，因為TAPAS 細細碟，可以試多些款式。平時食嚟食去都係西餐，意粉鋸扒，有啲悶。今晚同朋友嚟到食西班牙菜，真係大開眼界，味蕾亦大滿足。呢度環境舒適，服務有非常好。每一道菜色都非常美味，很高質！食西班牙菜當然要點西班牙海鮮鍋飯，海鮮好新鮮，鋪滿成個鍋。底下的飯軟硬適中，輕微濕潤帶飯焦，就算只吃飯也覺得很美味。燒雞有驚喜，帶點葡國色彩，主廚解釋係用了葡式煮法，加入了西班牙嘅香料，採用法國黃油春雞，肉質嫩滑。喜歡這裏的廚師，會與客人交流，詢問客人嘅喜好和意見，很親切，下次一定要再來。