Video
Read full review
2014-02-17
2968 views
我唔食飯又唔多食澱粉質嘅野，但是我真係鍾意食麵包嘅，有得揀嘅話，係我面前有飯、粥、粉麵及麵包的話，我一定揀麵包，但又只限冇餡嘅，對麵包我都有一定的要求架！呢次就一次過分２日買咗９款包，埋單共$170，我已經覺得好豪，早午晚剛剛好食哂，好滿足！檸檬酥 ($20)當我遠遠睇到半圓形物體時已經覺得幾吸引，夾落去硬硬的，感覺唔淋即買，切開一半，有大量檸檬味好重好甜唔憂的檸檬餡，酥皮都算鬆脆但牛油味唔重(唔重牛油味反而啱我)，係好食嘅，所以之後我都要食過好幾次，不過每次酥皮軟硬程度都略有偏差，可想到一定係放得太久，相信我第一次食果次一剛出爐所以好食。紅酒蘋果撻 ($20)佈告欄紅色醬的但冇紅酒味少甜，一片片蘋果已經冇哂蘋果味，質感似蘋果乾，酥皮撻已經淋哂....麻麻地。香草脆麵包粒 ($15)呢個真好超好食，包粒超脆又香，但唔會成日見有得買，真係可遇不可求。迷你芝士百吉包 ($10)真係好迷你，外層有一絲絲芝士，包面微硬，內裡煙韌，芝士唔多，一般喇。白切雞意大利包 ($20)當知道Maison Eric Kayser係香港開店，為港研發獨有白切雞包已經想一試，切開一半裡面真係見到佈滿葱微粒，咬一
呢次就一次過分２日買咗９款包，埋單共$170，我已經覺得好豪，早午晚剛剛好食哂，好滿足！
檸檬酥 ($20)
當我遠遠睇到半圓形物體時已經覺得幾吸引，夾落去硬硬的，感覺唔淋即買，切開一半，有大量檸檬味好重好甜唔憂的檸檬餡，酥皮都算鬆脆但牛油味唔重(唔重牛油味反而啱我)，係好食嘅，所以之後我都要食過好幾次，不過每次酥皮軟硬程度都略有偏差，可想到一定係放得太久，相信我第一次食果次一剛出爐所以好食。
紅酒蘋果撻 ($20)佈告欄紅色醬的但冇紅酒味少甜，一片片蘋果已經冇哂蘋果味，質感似蘋果乾，酥皮撻已經淋哂....麻麻地。
香草脆麵包粒 ($15)呢個真好超好食，包粒超脆又香，但唔會成日見有得買，真係可遇不可求。
迷你芝士百吉包 ($10)真係好迷你，外層有一絲絲芝士，包面微硬，內裡煙韌，芝士唔多，一般喇。
白切雞意大利包 ($20)當知道Maison Eric Kayser係香港開店，為港研發獨有白切雞包已經想一試，切開一半裡面真係見到佈滿葱微粒，咬一啖，即感到淡淡葱油香更有雞肉味，雖然感覺食包有白切雞味怪怪，但估唔到又真係幾好味喎！
蕃茄意大利包 ($20)我愛食蕃茄，包的質感厚實鬆軟，蕃茄味都算濃，都幾好。
黑朱古力紅莓包 ($20)算是迷你的包，包裡有粒粒黑朱古力，朱古力味甘苦濃郁，紅莓被黑朱古力包住都感到煙韌，黑色嘅包食落都幾得意也唔錯。
薑黃果仁包 ($25)黃薑粉遍佈整個包，令包面脆身又有陣陣清香，包的質感鬆軟加上有粒粒果仁、核桃同葵花籽，好有咬口，我鍾意！
無花果麥包 ($20)呢個係比以上嘅麵包較重身，外脆而韌，無花果乾佈滿包裡，香甜又越嚼越有味，以致好煙韌又有麥香，如果切片慢慢食更正！
Post
