Video
Read full review
2013-03-07
41 views
二月份終於有時間再來食 Chocolate Rain 主題食物，今日放半天假去完港島東之後，就回上環食個下午茶，因為平日嘅關係，人不算太多，更有傳媒在拍攝和嚐試新產品。Chocolate Rain 主題食物由下午三點開始，店員奉上下午茶餐牌和 Chocolate Rain 主題食物嘅餐牌，不用再研究食咩，一早已經揀定食 Fatina の秘密花園 (日本紅豆忌廉銅鑼燒，北海道 3.7 牛乳軟雪糕) $55。平時不好紅豆嘅我，為了 Chocolate Rain 也破例食紅豆，嘻嘻！轉眼間，Fatina の秘密花園已經奉到我面前，睇到有 Fatina 笑笑口嘅銅鑼燒，真係好得意，食起嚟都特別開心。北海道 3.7 牛乳軟雪糕用小杯盛著，配上大大粒士多啤梨和果醬，賣相都不錯。先試北海道 3.7 牛乳軟雪糕，香軟幼滑，奶味香濃，真係好好味，如果份量多啲就好喇，哈哈！銅鑼燒餅很鬆軟，內裡夾著日本紅豆和忌廉，紅豆不甜，忌廉不滯，配搭得宜，突然又覺得紅豆忌廉幾好食，嘻嘻。士多啤梨好大粒，新鮮香甜，而士多啤梨醬甜酸度適中。而放上杏仁片嘅忌廉都幾滑，最重要係唔甜，真係幾好。唔好睇銅鑼燒以為細細件，原來食晒一
Chocolate Rain 主題食物由下午三點開始，店員奉上下午茶餐牌和 Chocolate Rain 主題食物嘅餐牌，不用再研究食咩，一早已經揀定食 Fatina の秘密花園 (日本紅豆忌廉銅鑼燒，北海道 3.7 牛乳軟雪糕) $55。平時不好紅豆嘅我，為了 Chocolate Rain 也破例食紅豆，嘻嘻！
轉眼間，Fatina の秘密花園已經奉到我面前，睇到有 Fatina 笑笑口嘅銅鑼燒，真係好得意，食起嚟都特別開心。北海道 3.7 牛乳軟雪糕用小杯盛著，配上大大粒士多啤梨和果醬，賣相都不錯。
先試北海道 3.7 牛乳軟雪糕，香軟幼滑，奶味香濃，真係好好味，如果份量多啲就好喇，哈哈！
銅鑼燒餅很鬆軟，內裡夾著日本紅豆和忌廉，紅豆不甜，忌廉不滯，配搭得宜，突然又覺得紅豆忌廉幾好食，嘻嘻。
士多啤梨好大粒，新鮮香甜，而士多啤梨醬甜酸度適中。而放上杏仁片嘅忌廉都幾滑，最重要係唔甜，真係幾好。
唔好睇銅鑼燒以為細細件，原來食晒一個都好滿足，只見隔離檯，食完一個餐再食這個，佢食剩咗半片銅鑼燒，真係有點浪費。下次如果有機會，再試其他主題甜品。
Post
