Video
Read full review
2021-10-25
285 views
話說啱啱個星期六朝早，我同老公行過呢間嘢，見呢間嘢新開無幾耐，又幾多人，老公話想試下。入到去坐低，我同老公落單各自叫咗個早餐，我叫咗個蕃茄湯通心粉，跟個多士火腿同蛋，我再三要求轉熟蛋，因為我懷孕5個月，唔可以食生嘢。落完單之後3分鐘都無，真係3分鐘都無，好驚訝，我碟通粉就到咗啦，我仲同老公讚佢地好快手。點知惡夢就開始啦，食個通粉落口後發覺通粉個溫度只係暖而吾係熱，個溫度甚至近乎室溫。我個心都打個突，諗住試多幾啖，再三確認會唔會係錯覺，但最終確認個食物係室溫涼涼地嘅，所以個通粉食左幾啖就停咗口無食啦。一心諗住算啦，等個多士火腿同蛋黎，食翻D熱嘢暖下個胃，費事換啦。但等左大約廿分鐘，老公都食完佢個早餐，我個火腿煎蛋同多士都未到，最終係催左兩個吾同既侍應後，個蛋終於黎咗啦，但係。。。點解係生嘅😥個一刻諗，可能廚房太忙，吾記得咗要轉熟蛋，但因為我大肚吾食得生嘢，所以唯有要求個侍應換返隻熟蛋，同時再三提醒要熟蛋。隔咗一陣，個蛋又返黎啦，但係。。。都仲係生嘅😡😡今次真係嬲嬲地啦，我都已經吾係要求D嘢要新鮮滾熱辣，通粉凍都吾緊要，係未煎熟隻蛋真係咁難？！第二次要求侍應再轉，再三表明我大肚，吾可以食生
落完單之後3分鐘都無，真係3分鐘都無，好驚訝，我碟通粉就到咗啦，我仲同老公讚佢地好快手。
點知惡夢就開始啦，食個通粉落口後發覺通粉個溫度只係暖而吾係熱，個溫度甚至近乎室溫。我個心都打個突，諗住試多幾啖，再三確認會唔會係錯覺，但最終確認個食物係室溫涼涼地嘅，所以個通粉食左幾啖就停咗口無食啦。
一心諗住算啦，等個多士火腿同蛋黎，食翻D熱嘢暖下個胃，費事換啦。但等左大約廿分鐘，老公都食完佢個早餐，我個火腿煎蛋同多士都未到，最終係催左兩個吾同既侍應後，個蛋終於黎咗啦，但係。。。點解係生嘅😥
個一刻諗，可能廚房太忙，吾記得咗要轉熟蛋，但因為我大肚吾食得生嘢，所以唯有要求個侍應換返隻熟蛋，同時再三提醒要熟蛋。隔咗一陣，個蛋又返黎啦，但係。。。都仲係生嘅😡😡今次真係嬲嬲地啦，我都已經吾係要求D嘢要新鮮滾熱辣，通粉凍都吾緊要，係未煎熟隻蛋真係咁難？！第二次要求侍應再轉，再三表明我大肚，吾可以食生蛋，有機會有李斯特菌，對BB有危險，希望佢地幫手要求廚房整全熟蛋。到第三次隻蛋黎到，都係生嘅？🤬🤬🤬我真係放棄啦，吾食啦，走人啦！！
去到櫃檯比錢諗住反映下，話D食物吾夠熱，要求個蛋全熟但三次黎到都係生嘅，個收銀竟然好無禮貌又好串咁話無可能，仲反問返我有無要求熟ga? （可能佢係老闆，吾恨做我地呢d小市民生意），我答佢有，我有要求轉熟蛋，佢就冷冷閒好不屑咁答一句，咁我幫你反映下啦⋯⋯真係。。好想🤬🤬🤬🤬🤬
不過錯在我，吾應該揀呢間垃圾餐廳，連最基本嘅要求，食物要熱佢都做吾到，我想D蛋係全熟嘅呢個要求，對佢地黎講可能實在要求太高啦，奉勸大家如果吾想貼錢買難受，就吾好幫襯呢間嘢啦，除非你自問EQ高到爆登，個人佛心到可以吾介意佢地D無禮嘴臉，咁歡迎你不妨去測試吓自己忍耐力
20 views
0 likes
0 comments
Post
